E mërkurë, 18 nëntor 2026

Rubrikat

Mbështet Limit.al

Agjencia Ndërkombëtare e Energjisë: SHBA do të bëhet eksportuesja më e madhe e naftës

Shtetet e Bashkuara “qartazi” do ta kalojnë Arabinë Saudite dhe Rusinë dhe do të shndërrohen në eksportuesen më të madhe të naftës në vitet e ardhshme, për shkak të rritjes së “paprecedentë” të prodhimit të energjisë, tha shefi i Agjencisë Ndërkombëtare të Energjisë (IEA).

“Ata do jenë shumë afër në vitet e ardhshme, por është çështje kohe kur SHBA-ja qartazi do të jetë eksportuesja më e madhe e naftës në botë”, tha drejtori i Agjencisë Ndërkombëtare të Energjisë, Fatih Birol, gjatë një konference në Uashington.

Komentet e Birol vijnë një ditë pasi Agjencia publikoi të dhënat preliminare, që tregonin shifrat e eksporteve të naftës bruto të SHBA-së gjatë muajit qershor, e që sipas këtyre të dhënave, Uashingtoni ka kaluar dy konkurrentët e saj më të mëdhenj.

Gjatë vitit 2024, SHBA-ja do të përjetojë “rritjen më të madhe të prodhimit në historinë e naftës deri më tani”, tha Birol, që sipas tij, kjo gjë do të mundësojë eksporte më të mëdha.

Agjencia Ndërkombëtare e Energjisë parashikon që gjatë këtij viti, SHBA-ja dp të rrisë prodhimin e naftës në 1,25 milionë fuçi në ditë dhe një milion më shumë gjatë vitit të ardhshëm. Ndërkaq, nafta e papërpunuar amerikane dhe prodhimi i gazit të lëngshëm do të arrijë në 20 milionë fuçi në ditë në vitin 2024, tha Birol.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota