E mërkurë, 18 nëntor 2026

Rubrikat

Mbështet Limit.al

Afganistani e humb ndihmën financiare amerikane, shkak korrupsioni

Shtetet e Bashkuara njoftuan tërheqjen e ndihmës për Afganistanin në vlerë 160 milionë dollarë, duke akuzuar Kabulin për korrupsion të shfrenuar.

Vendimi vjen në më pak se 10 ditë para zgjedhjeve të rëndësishme presidenciale.

Sekretari amerikan i Shtetit, Mike Pompeo, tha përmes një deklarate se Uashingtoni po kthen mjetet përsëri në arkën e SHBA-së.

Këto para ishin caktuar për një projekt të madh të infrastrukturës energjetike afgane.

Lidhur me këtë vendim, Pompeo përmendi “korrupsionin e qeverisë afgane dhe keqmenaxhimin financiar” si dhe “paaftësinë e Kabulit për të menaxhuar në mënyrë transparente burimet e qeverisë amerikane”.

Masa vjen në kohën kur presidenti afgan, Mohammad Ashraf Ghani, po synon një mandat të dytë në zgjedhjet që mbahen më 28 Shtator.

Autoriteti Kombëtar i Prokurimit në Afganistan ka dështuar “të përmbushë standardet për transparencën dhe përgjegjshmërinë në menaxhimin e financave publike”, tha Pompeo.

Që nga viti 2001, Afganistani ka marrë më shumë se 93 miliard dollarë ndihmë amerikane, sipas Agjencisë Amerikane për Zhvillim Ndërkombëtar (USAID).

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota