E mërkurë, 18 nëntor 2026

Rubrikat

Mbështet Limit.al

24 përqind e akullit i paqëndrueshëm në Antarktidën Perëndimore

Antarktida Perëndimore po përballet me shkrirjen e akullnajave për shkak të ngrohjes së ujit të detit. Kërkimet e publikuara në “Geophysical Research Letters” zbulojnë se akulli po shkrin pesë herë më shumë se në vitin 1990.

Rreth 24% e akullit konsiderohet si i paqëndrueshëm dhe është gati të bjerë në sipërfaqen e ujit. Kështu, sasia e akullnajave po zëvendësohet me nivele të larta ujore, për shkak të ngrohjes globale. Kjo shkrirje pritet të rrisë nivelin e detit në të gjithë rruzullin tokësor.

Për shkak të ngrohjes globale, edhe reshjet e borës janë më të pakta. Nëse më parë ato zëvendësonin në një farë mënyre akullin që shkrinte, kjo tashmë është e pamundur, pasi temperaturat e larta janë dominuese ndaj atyre të ulëta. Ky hulumtim ka marrë në analizë ndryshimet që kanë ndodhur prej vitit 1992 deri në 2017, bazuar në kushtet klimaterike.

Që në Dhjetorin e vitit të kaluar, studiuesit e paralajmëruan këtë situatë e në fakt ndryshimet janë të ndjeshme. Masa e akullnajave pritet të reduktohet me ritme të shpejta e sipas CNN kjo do të sjellë ndryshime globale që do të ndikojnë në jetën tonë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota