E mërkurë, 18 nëntor 2026

Rubrikat

Mbështet Limit.al

Zv. kryeministrja serbe, Zorana Mihajloviq: Nga tarifa e pësojnë shqiptarët, serbët dhe i gjithë rajoni

Zëvëndëskryeministrja e Qeverisë së Serbisë, Zorana Mihajloviq ka deklaruar se masat e reja të autoriteteve në Prishtinë, të cilat përfshijnë në taksën 100 përqind edhe mallrat e brendeve të huaja që prodhohen në Serbi, e pengojnë stabilitetin politik të rajonit dhe mundësitë e zhvillimit ekonomik të tij.

“Politikanëve në Prishtinë nuk iu mjaftoi fakti që me vendosjen e tarifës e bllokuan dialogun me Beogradin, por ata filluan të mbyllin plotësisht ekonominë e tyre. Me masa të tilla po punojnë drejtëpërdrejtë kundër zhvillimit ekonomik, dhe dëmet prej kësaj i vuajnë edhe shqiptarët edhe serbët, pasi ku mungon liria e lëvizjes së njerëzve dhe mallrave aty nuk ka as zhvillim as perspektivë dhe as jetë më të mirë” ka thënë Mihajlloviq.

Zëvëndëskryeministrja serbe, deklaroi me tutje se “çdo bllokadë e re kërcënon ta tërheqë rajonin në një rreth vicioz të prapambetjes, paqëndrueshmërisë dhe konfliktit”.

Qeveria e Kosovës vendosi të ashpërojë masat ndaj mallrave nga Bosnja dhe Serbia duke ngritur tarifën prej 100 përqind edhe për mallrat e brendeve të huaja që janë të prodhuara në këto dy vende.

Më herët këto llojë të mallrave nuk ishin të përfshira në tarifën e re, vendosja e së cilës ka bërë që Beogradi të ndërpresë dialogun me Kosovën.

Bashkimi Evropian disa herë ka kërkuar nga Prishtina të heqë këtë masë, por Qeveria e Kosovës ka thënë se ajo do të hiqet vetëm kur Serbia dhe Bosnja ta njohin pavarësinë e Kosovës.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota