E mërkurë, 18 nëntor 2026

Rubrikat

Mbështet Limit.al

Vendimi i Londrës në OKB kundërshtohet nga Serbia, Kosova e mirëpret

OKB

Vendimi i Britanisë së Madhe si kryesuese e rradhës e Këshillit të Sigurimit të OKB-së, për tërheqjen e diskutimit për Kosovën në intervale prej tre muajve, ka shkaktuar reagime të ashpra në Serbi.

Drejtori i të ashtuquajturës zyrës për Kosovën në Qeverinë e Serbisë, Marko Gjuriq e ka cilësuar si të pakuptimt këtë vendim, pasi që sipas tij nuk mund të thuhet se është e nevojshme të intensifikohet dialogu në Bruksel, e nga ana tjetër të kërkohet që OKB-ja të mos diskutojë temën e Kosovës.

Veprimin e Londrës si veprim jo të mirë e ka cilësuar edhe kryeministrja serbe, Ana Bërnabiq.

Sipas saj, ky është një vendim “i keq” i marrë nga një vend anëtar i Bashkimit Evropian.

“Nuk mund ta kuptoj që njëra palë dëshiron ta mbajë këtë takim nga njëra anë dhe nga ana tjetër nuk dëshiron të përfshihet në agjendën e Kosovës. Kjo është politikisht e padiskutueshme dhe e papranueshme”, ka thënë Bërnabiq.

E vendim që nuk shkon në të mirë të stabilitetit në rajon e ka cilësuar ministri i Jashtëm serb, Ivica Daçiq.

Ai ka thënë se një vendim i tillë, ani pse i pritur nga pala serbe, mund të ndikojë edhe më shumë në acarimin e raporteve mes dy vendeve.

Sipas tij, Britania e Madhe as nuk do të dëgjojë për interesat e Beogradit.

E reagim krejt tjetër ka ardhur nga homologu i Daçiqit në Kosovë, Behgjet Pacolli.

Përmes një postimi në Twitter, Pacolli është shprehur i gëzuar me vendimin e Londrës.

Ai ka thënë se që nga viti 2008, Kosova nuk përbën më një çështje aq të ndjeshme sa për tu diskutuar në Këshillin e Sigurimit.

Këtij vendimi i është gëzuar edhe ambasadorja e Kosovës në OKB, Vlora Çitaku.

Ajo është shprehur se diskutimi çdo tre muaj mbi raportin e UNMIK-ut për Kosovën ka qenë i panevojshëm. Përmes një postimi në Facebook ajo ka falënderuar Londrën për vendimin e marrë.

E në anën tjetër, ambasadorja e Britanisë në OKB, Karen Pierce, gjatë ditës së sotme u ka bërë thirrje Prishtinës dhe Beogradit që mos të merren me taktikat e OKB-së, por të fokusohen në përshpejtimin e normalizmit të marrëdhënieve të tyre.

Ndryshe, Këshilli i Sigurimit deri në vendimin e fundit të Londrës diskutonte çdo tre muaj për situatën në Kosovë, aspektin e sigurisë dhe marrëdhënieve ndëretnike. (BotaSot)

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota