E mërkurë, 18 nëntor 2026

Rubrikat

Mbështet Limit.al

Turqia u kërkon të gjithë udhëtarëve teste negative për koronavirus

Turqia ka njoftuar se do të kërkojë testin negativ për koronavirus për të gjithë pasagjerët që hyjnë në këtë shtet, duke nisur nga dita e hënë.

Kjo masë do të zbatohet deri në muajin mars.

Ministri turk i Shëndetësisë, Fahrettin Koca ka thënë përmes një postimi në rrjetin social, Twitter se udhëtarët duhet të prezantojnë një test negativ për koronavirus, të kryer në 72 orët e fundit.

Ky vendim do të vlejë për të gjitha llojet e udhëtimit.

Nëse udhëtarët nuk kanë testin negativ, atëherë duhet t’i nënshtrohen masës së karantinës sapo të arrijnë në destinacion.

Udhëtarët që arrijnë në Turqi nga Mbretëria e Bashkuar, Danimarka dhe Afrika Jugore apo që kanë qenë në këto vende në 10 ditët e fundit, duhet të kenë testin negativ dhe t’i nënshtrohen karantinës për të paktën shtatë ditë, derisa të bëhet testi i dytë.

Turqia është një prej vendeve me numrin më të madh të të infektuarve me koronavirus në gjithë botën, me një mesatare javore prej më shumë se 20,000 rasteve.

Sipas të dhënave zyrtare, numri total të i vdekurve në këtë shtet si pasojë e sëmundjes që shkakton koronavirusi COVID-19 , ka shkuar në 19,371.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota