E mërkurë, 18 nëntor 2026

Rubrikat

Mbështet Limit.al

Thaçi: S’ka ndarje të Kosovës, deklaratat e tilla janë “fake news”

Presidenti i Kosovës, Hashim Thaçi, ka ripërsëritur edhe njëherë se në kuadër të fazës finale të dialogut me Serbinë nuk do të diskutohet për ndarjen e Kosovës, raporton “Zeri.info”.

Thaçi në një konferencë për media, ka thënë se një gjë e tillë nuk ka gjasa që të diskutohet, lëre më që një gjë e tillë të bëhet realitet.

“Si president i vendit siguroj se nuk do të lejojmë të diskutohet, lërë që dikush të pajtohet me ndarjen e Kosovës. Janë shqetësues zërat që flasin gjëra të tilla. Ritheksoj se kudo që fliten zëra të tillë dhe ata që përhapin lajme të tilla, e them me përgjegjësi të plotë, se me apo pa vetëdije po e senzibilizojnë idenë e kamotshme të Serbisë për ndarjen e Kosovës. E ritheksoj që një gjë të tillë nuk do të lejojmë as të diskutohet, lëre më të realizohet”, ka deklaruar ai.

Kreu i shtetit më tej, vlerësoi se po përhapen “fake news” rreth kësaj çështjeje.

“Jemi edhe dëshmitarë të lajmeve të rrejshme, prandaj si president i vendit edhe njëherë dua t’i siguroj qytetarët e Kosovës si president që nuk do të ketë forcë që do ta detyrojë Kosovën që të diskutojë apo të pajtohet me ndarjen e saj”, potencoi ai.

Marrëveshja finale sipas Thaçit do të bëhet duke siguruar njohjen reciproke mes dy vendeve dhe me rezultimin e Kosovës si anëtare e OKB-së.

“Ka zëra që thonë se nuk është koha të dialogojmë, se nuk është koha për marrëveshje, mendoj që është e kundërta. Ne duhet të arrijmë marrëveshje sa më parë që është e mundur, që të ndodhë njohja reciproke”, është shprehur kryetari i shtetit. /ZERI /

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota