Takimi me kryeministrin Albin Kurti ishte një hap në drejtimin e duhur nga Presidenti Hashim Thaçi.
Ky ishte një ndryshim nga sjellja e papërgjegjshme dhe fushata e presionit që Thaçi dhe aleatët e tij të vjetër dhe të rinj po i bënin kryeministrit Albin Kurti. Vetëm dy ditë më parë, Thaçi botoi në publik një seri fyerjesh e akuzash personale për kryeministrin. Një president nuk mund të sillet kështu, sidomos në momente kyçe.
Ai e ka falësuar Kurtin se pse ka ngecur procesi i bisedimeve me Serbinë, mirëpo Thaçi ka dhjetë vjet që bisedon me serbët. E filloi që me Baroneshën Ashton, pastaj me Frederica Mogherinin. Shumë mirë që zgjodhi negociatat. U nënshkruan shumë marrëveshje me Serbinë, mirëpo ato nuk u zbatuan. Serbia nxori shumë përfitime, sidomos në rrugën e integrimi europian, kurse Kosova gati asgjë. Presidenti Thaçi ishte shumë kritik për BE-në në takimin e tij të fundit me zyrtarë gjermanë e francezë. Mirëpo, Thaçi ishte njeriu që drejtoi bisedimet në emër të Kosovës. Ai është fajtor për marrëveshjet e dobëta, që kanë mbetur pa u zbatuar e për mospërfitimin nga Kosova. Pas një dekade dështimesh që i kanë kushtuar Kosovës, është koha që Presidenti t’ia lërë, më në fund, dikujt tjetër drejtimin e bisedimeve.



