E mërkurë, 18 nëntor 2026

Rubrikat

Mbështet Limit.al

Protestë në Podgoricë, qytetarët duan zgjedhje të parakohshme

Qytetarët malazezë do të protestojnë të martën e 8 nëntorit para Kuvendit të Malit të Zi, në Podgoricë.

Protesta është organizuar nën sloganin “Jemi këtu” dhe kërkohet mbajtja e zgjedhjeve të parakohshme parlamentare dhe tërheqja e propozimit për ndryshime në Ligjin për Presidentin e Shtetit të Malit të Zi.

Sipas mediave lokale, qytetarët kanë filluar të mblidhen nga të gjitha qytetet, për të marrë pjesë në protestën që fillon nga ora 18:00.

Protesta është mbështetur nga Partia Demokratike e Socialistëve, Partia Socialdemokrate dhe Partia Liberale.

Protestën e ka mbështetur edhe presidenti i shtetit, Milo Gjukanoviç.

“Mbështetje për tubimin protestues, qëllimi i të cilit është kthimi i besueshmërisë dhe legjitimitetit të institucioneve dhe mbrojtja e Malit të Zi”, ka thënë ai, transmeton mediumi malazez ‘Pobjeda’.

Gjithashtu, edhe Bashkimi Evropian është i shqetësuar për shkeljen e Kushtetutës me miratimin e Ligjit për Presidentin, i cili, sipas tyre, abuzon qartë me dispozitat kushtetuese.

Ndryshe, të martën e 2 nëntorit, me votat e shumicës së vjetër parlamentare, në Kuvendin malazez, me 41 vota pro dhe pa praninë e opozitës, u votuan ndryshimet në Ligjin për Presidentin e Shtetit, të cilat parashikojnë një sërë dispozitash antikushtetuese.

Deputetët e formacionit pro-rus dhe pro-serb ‘Frontit Demokratik’, ‘Demokratët’, dhe URA duan që presidenti malazez të propozojë një përfaqësues për përbërjen e qeverisë së re ose ta përjashtojë atë krejtësisht nga ky proces.

Meqenëse ligji është miratuar me procedurë urgjente, Gjukanoviç është i detyruar ta nënshkruajë atë brenda tri ditëve ose ta kthejë në Kuvend për rishikim.

Nëse e kthen ligjin në Kuvend dhe deputetët e votojnë sërish, presidenti i shtetit, sipas Kushtetutës, duhet të shpallë ligjin e rimiratuar.

Kujtojmë se Gjykata Kushtetuese nuk është funksionale prej kohësh, dhe deri atëherë mbetet e paqartë se çfarë rezultati ligjor dhe politik është i mundur nëse Gjukanovic refuzon të shpallë Ligjin e ndryshuar për Presidentin për herë të dytë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota