E mërkurë, 18 nëntor 2026

Rubrikat

Mbështet Limit.al

Propaganda e Daçiq: SHBA ka ndryshuar qasje në raport me Kosovën

Ministri i Punëve të Jashtme i Serbisë, Ivica Daçiq, ka deklaruar se SHBA-ja nuk ka zgjidhje të re për Kosovën, por se ka ndryshuar qasjen dhe se kanë “hapur derën” për kërkimin e një zgjidhje të re të kompromisit.

“Kjo do të thotë se ka hapur derën për kërkimin e një zgjidhje të re të kompromisit për të cilën SHBA-ja nuk ka qenë e gatshëm në vitet e kaluara, meqë konsideronin se kjo çështje është e mbyllur. SHBA-ja fuqishëm mbështet dialogun dhe këmbënguljet tona janë që të arrihet deri te kompromisi. Ky është një ndryshim i madh”, u tha Daçiqi gazetarëve në Beograd.

Ministri serb tha se politika amerikane ndaj Serbisë dhe Kosovës deri tani ka qenë në “autopilot”, por se ajo është ndryshuar me ardhjen e ndihmësit të ri të sekretarit shtetëror të SHBA-së për Evropë dhe Euroazi, Ves Mitchell.

Ai shtoi se nuk ka kurrfarë gjasash që procesi i negocimit të përfundojë me dhënien e ulëses për Kosovën në OKB ose njohjen e Kosovës.

Ambasadori i SHBA-së në Serb, Kyle Randolph Scott, u tha gazetarëve se qëndrimi amerikan ka qenë dhe ende është që zgjidhja stabile lidhur me Kosovën doemos duhet të gjendet përmes negociatave mes Beogradit dhe Prishtinës.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota