E mërkurë, 18 nëntor 2026

Rubrikat

Mbështet Limit.al

Nga nesër, Greqia mbyll pikën kufitare të Kapshticës

Qeveria greke do të mbyllë pikën kufitare me Shqipërinë në Kapshticë, duke filluar që nga e premtja në mëngjes dhe do të testojë të gjithë njerëzit që hyjnë në vend nëpërmjet kufijve tokësorë, deklaroi sot zëdhënësi i qeverisë, Stelios Petsas, ndërsa vendi lufton për të ndaluar përhapjen e koronavirusit.

Kalimet kufitare në Kakavijë, Evzoni dhe Promachonas do të qëndrojnë të hapura, ndërsa vetëm kamionët do të lejohen të hyjnë nga Nymphaea, kalimi që lidh Greqinë dhe Bullgarinë.

Vizitorët që vijnë në vend nëpërmjet kufijve tokësorë do të duhet ende të paraqesin një test negativ PCR të kryer 72 orë para mbërritjes në Greqi.

Petsas tha se autoritetet shëndetësore do të rrisin kontrollet dhe testimet në Greqinë veriore për të krijuar një ide më të qartë të ngarkesës epidemiologjike.

“Situata në vendin tonë mbetet kritike. Të dhënat e djeshme treguan se nivelet e të infektuarve në disa zona të Greqisë veriore mbeten në nivele shumë të larta nëse marrim parasysh se kemi qenë në kushtet e bllokimit për javë të tëra. Kjo dëshmon se qytetarët në shumë zona janë shumë më të relaksuar sesa kërkojnë kushtet.”/Ekathimerini

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota