E mërkurë, 18 nëntor 2026

Rubrikat

Mbështet Limit.al

Në Ulqin: Inati më i rëndë se vota

Nga ALBERT CAMAJ në TUZ – Mali i Zi

Ditë më parë, në Komunën e Ulqinit, filluan negociatat për formimin e pushtetit lokal. Edhe pse partitë politike shqiptare në këtë komunë fituan më së shumti mandate, duke ua mundësuar të vetme formimin e pushtetit lokal, sipas paralajmërimeve të mediave lokale nga kjo komunë, kryetar i ri i Komunës së Ulqinit do të jetë nga radhët e Partisë Demokratike të Socialistëve.

Sipas portalit Ul-Info, në këtë insiston kjo parti, në negociatat për formimin e pushtetit, të cilat filluan ditë më parë.

Po sipas këtij portali për diçka të tillë partia e Gjukanoviqit ka përkrahjen e Partisë Demokratike të Fatmir Gjekës dhe Unionit Demokratik të Shqiptarëve të Mehmed Zenkës, që do të thotë se ka përkrahjen e 18, nga gjithsej 33 këshilltarë në parlamentin lokal.

Pjesë e pushtetit lokal në Ulqin, sipas paralajmërimeve do të jenë edhe Social Demokratët me 3 këshilltarë dhe Partia Boshnjake me një këshilltarë.

“Drejtuesve të Forcës së re demokratike, me të cilët dje negocioi drejtori politik i PDS-së Tarzan Millosheviq dhe anëtari i kryesisë së kësaj parti dhe koordinatori për Ulqin dr. Halil Dukoviq, e që kërkojnë që atyre t’u takojë vendi i Kryetarit të Komunës”, u është dhënë afati deri të hënën që të deklarohet se a dëshiron të jetë pjesë e koalicionit të gjerë, por jo kryetari, shkruan portali Ul Info.

Është e dhimshme se si partitë shqiptare i degjojnë lideret nga Tirana e Prishtina, për të perkrah Millo Gjukanoviq, për president, por jo për të bërë pushtet shqip, në Ulqin.

Për fat të keq dhe duke u falenderuar partive shqiptare si duket kjo komunë po shkon nën drejtimin e timonin e DPS-së, pasiqë për disa lider shqiptar më me rëndësi kanë inatet personale se çështjen kombëtare.

Forca, e cila këmbëngul në kryetarin e komunës, nëse këtë gjë nuk e arrinë, do të mbetet në opozitë, çka do të shihej si veprim i denjë, dhe me siguri këtë subjekt do ta veçonte nga ata që shiten për një gram pushtet.

Votuesit shqiptar u dhanë mundësi partive shqiptare që të qeverisin Ulqinin, por atyre më rëndë u peshon inati se vota.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota