E mërkurë, 18 nëntor 2026

Rubrikat

Mbështet Limit.al

NATO më 6 shkurt do të nënshkruajë protokollin për anëtarësimin e Maqedonisë

Sekretari i Përgjithshëm i NATO-s, Jens Stoltenberg ka thënë se aleanca do të nënshkruajë protokollin për pranimin e Maqedonisë më 6 shkurt.

“Më 6 shkurt ne do të shkruajmë histori”, ka shkruar në një postim në Twitter sekretari Stoltenberg.

“Aleatët e NATO-s do të nënshkruajnë protokollin e anëtarësimit të Maqedonisë me Republikën e Maqedonisë së Veriut”, ka shtuar Stoltenberg.

Ky zhvillim vjen pasi Maqedonia dhe Greqia ratifikuan marrëveshjes, sipas së cilës, Maqedonia është pajtuar që të ndryshojë emrin e shtetit në Republika e Maqedonisë së Veriut.

Që prej vitit 1991, Greqia ka kundërshtuar përdorimin e emrit “Maqedoni”, pasi një provincë e saj veriore ka po të njëjtin emër.

Një zyrtar i NATO-s, i ka thënë agjencisë së lajmeve AFP, se pas nënshkrimit të protokollit të pranimit “procesi i pranimit (të Maqedonisë në NATO) do të dërgohet në kryeqytetet e 29 aleatëve, ku ky protokoll duhet të ratifikohet sipas procedurave shtetërore të këtyre shteteve”.

“Kur të kryhet i gjithë ky proces, atëherë shteti do të bëhet anëtar i plotë”, ka thënë ky zyrtar.

Më 30 janar, kryeministri i Maqedonisë, Zoran Zaev ka deklaruar se shteti i tij planifikon që të nisë bisedimet për anëtarësim në Bashkimin Evropian, tash pasi shteti i tij ka arritur marrëveshje me Greqinë.

“Ne shpresojmë që deri në qershor, do të prezantojmë argumente të fuqishme para Këshillit Evropian, në mënyrë që të marrim datën e nisjes së negociatave për anëtarësim”, ka deklaruar Zaev.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota