E mërkurë, 18 nëntor 2026

Rubrikat

Mbështet Limit.al

Mitsotakis: Greqia do ta ketë vaksinën në Janar

“Vaksinimi i popullatës do të bëhet me faza”

Greqia mund ta nisë që në Janar vaksinimin e popullatës kundër COVID-19. Të paktën, kështu parashikon Kryeministri grek Kyriakos Mitsotakis, i cili e pohoi këtë përpara parlamentit, këtë të enjte.

“Nga Janari do të kemi vaksinat. Vaksinimi do të bëhet me faza dhe të gjithë qytetarëve duhet t’u injektohet për të thyer zinxhirin e pandemisë”.

Në fjalën e tij në Parlamentin grek, Mitsotakis mbrojti po ashtu karantinat e pjesshme në vend që po aplikohen në qytetet e mëdha si Athina dhe Selaniku.

Sipas tij, mbyllja e dy qyteteve të mëdha ka për qëllim të shmangë sa më shumë viktima deri në daljen e vaksinës, që sipas tij Greqia do ta marrë sapo ajo të jetë e disponueshme për vendet e Bashkimit Europian.

Presidentja e Komisionit Europian tha pak ditë më parë se do të nënshkruante së shpejti marrëveshjen për furnizimin e vendeve të unionit me 300 milionë doza nga vaksina e përbashkët e firmave farmaceutike Pfizer dhe Biontech.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota