E mërkurë, 18 nëntor 2026

Rubrikat

Mbështet Limit.al

Michael Roth: Të vazhdohen me vendosmëri reformat

Inkurajim për reformat e Tiranës dhe Shkupit: Ministri i Shtetit në Ministrinë e Jashtme Gjermane, Michael Roth nisi një tur diplomatik në Ballkan. Pas qëndrimit në Tiranë, Roth udhëton të hënën drejt Shkupit.

Vëmendja e Gjermanisë drejtohet drejt dy vendeve të Ballkanit që janë në prag të hapjes së negociatave për t’i inkurajuar edhe më tej në vazhdimin e reformave të nisura. Ministri i Shtetit në Ministrinë e Jashtme Gjermane, Michael Roth vizitoi të dielën (22.07) Tiranën, ku zhvilloi takime me ministrin e Jashtëm, Ditmir Bushati e kryeministrin Rama, pak javë pas dritës së gjelbër të BE për hapjen e negociatave me Shqipërinë në vitin 2019 dhe plotësimit të disa kushteve për reforma.

Në qendër të vizitës së Roth ishin bisedimet për gjendjen e reformës në drejtësi dhe procesit të vetingut, luftën kundër kriminalitetit të organizuar dhe korrupsionit. Michael Roth u shpreh në një deklaratë për shtyp para vizitës se „në Tiranë janë vendosur në rrugën e duhur reforma të rëndësishme që duhet të vazhdohen me vendosmëri. Procesi i vetingut, ku gjykatësit dhe prokurorët i nënshtrohen një verifikimi sistemitk është shembullor për një reformë në drejtësi. Reformat tregojnë, se të dy vendet e kanë seriozisht me afrimin në Bashkimin Europian.”

Ministri i Shtetit, Roth i kujtoi politikës në Tiranë përgjegjësitë e saj, duke theksuar se ajo duhet t’i marrë këto përgjegjësi e të mos e pengojë integrimin. Po ashtu ai qartësoi se Shqipërisë nuk i janë vënë kushte për kampe refugjatësh, apo mbylljen e rrugëve për migrantët, por jemi menduar të gjejmë zgjidhje të përbashkëta për këto çështje. Shqipëria dhe Maqedonia janë të mirëpritura të japin kontributin e tyre, tha Roth.

Roth në Shkup

Të hënën, më 23 korrik, Roth udhëton më tej në Shkup, ku do të ketë takime me kryeministrin maqedonas Zoran Zaev, ministrin e Jashtëm, Dimitrov dhe kreun e opozitës, Mickoski. Roth vlerësoi më parë marrëveshjen historike me Greqinë për zgjidhjen e çështjes së emrit duke theksuar se „Athina dhe Shkupi treguan në mënyrë shembullore se tema të vështira me guxim, durim dhe gatishmëri për kompromis mund të zgjidhen.” (Lindita Arapi. D.W.)

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota