E enjte, 19 nëntor 2026

Rubrikat

Mbështet Limit.al

Mbi 700 shkolla ne Greqi do të mbyllen

Greqia po përballet me një krizë demografike, e cila po sjell pasoja të rënda në arsim. Për vitin akademik 2025-2026, 721 shkolla nga gjithsej 13,478 do të pezullojnë aktivitetin për shkak të mungesës së nxënësve.

Sipas Ministrisë Greke të Arsimit, numri i mbylljeve është çdo vit në rritje. Krahasuar me vitin 2018-2019, ku u pezulluan 247 shkolla fillore dhe 312 kopshte, këtë vit shifrat kanë arritur në 324 shkolla fillore dhe 358 kopshte.

Fenomeni prek veçanërisht zonat rurale, por nuk përjashtohen qytetet e mëdha, përfshirë Athinën. Shumë shkolla nuk arrijnë më të plotësojnë minimumin e nxënësve të nevojshëm për funksionim.

Të dhënat tregojnë një rënie drastike të numrit të nxënësve. Për vitin e ri shkollor, popullsia studentore në Greqi pritet të jetë 1.21 milion, duke shënuar një rënie prej mbi 150 mijë nxënësish krahasuar me vitin 2018-2019.

Ekspertët paralajmërojnë se shkalla e ulët e lindjeve, emigracioni i të rinjve dhe plakja e popullsisë janë faktorët kryesorë të krizës.

Megjithëse, qeveria greke ka prezantuar programe për nxitjen e lindjeve dhe subvencione për familjet e reja, demografët paralajmërojnë se procesi i tkurrjes së popullsisë është i vështirë të ndalet pa politika të qëndrueshme dhe afatgjata.

Mbi 700 shkolla të mbyllura janë vetëm një shenjë e dukshme e një sfide kombëtare. Sistemi arsimor dhe tregu i punës në Greqi rrezikojnë të përballen me pasoja të pakthyeshme në dekadat që vijnë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota