E mërkurë, 18 nëntor 2026

Rubrikat

Mbështet Limit.al

Marrëveshja me Maqedoninë lëkund koalicionin grek

Panos Kammenos, udhëheqës i Partisë së Grekëve të Pavarur

Udhëheqësi i një partie të krahut të djathtë në Greqi kërcënoi me tërheqje nga koalicioni qeverisës nëse marrëveshja për zgjidhjen e çështjes së emrit të Maqedonisë del para parlamentit.

Kryeministri majtist, Alexis Tsipras, dhe Panos Kammenos, udhëheqës i Partisë së Grekëve të Pavarur, i kanë bashkuar forcat në vitin 2015, me qëllim tërheqjen e Greqisë nga kriza e atëhershme e borxhit.

Por, marrëveshja që Qeveria e Tsipras ka arritur me Maqedoninë, e cila e ndryshon emrin e saj në Maqedoni të Veriut, e ka lëkundur koalicionin.

“Nuk do të votoj për këtë marrëveshje nëse vjen në parlament”, tha Kammenos, i cili është ministër i Mbrojtjes.

“Nëse shumica parlamentare vendos për divorc, divorci do të ndodhë”, tha ai.

Nacionalistët grekë e kundërshtojnë marrëveshjen për emrin, duke pretenduar se Maqedonia është historikisht greke dhe pjesë e trashëgimisë greke.

Greqia, qëkur Maqedonia ka shpallur pavarësinë më 1991, ka këmbëngulur se emri Maqedoni sugjeron se fqinji i saj ka pretendime territoriale ndaj një rajoni grek me të njëjtin emër dhe, në këtë mënyrë, e ka bllokuar rrugën e Shkupit drejt anëtarësimit në NATO dhe në Bashkimin Evropian.

Marrëveshja e qershorit, e miratuar nga Tsipras, e ka hequr këtë bllokadë dhe është mirëpritur nga NATO-ja dhe BE-ja.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota