E mërkurë, 18 nëntor 2026

Rubrikat

Mbështet Limit.al

Maqedoni: Propozim buxheti 2019 i pranueshëm për shqiptarët

Propozim buxheti i vitit 2019 është i pranueshëm për shqiptarët, vlerëson zv.ministrja e financave në Maqedoni, prof. dr. Shirete Elezi.
Sipas saj buxheti të cilin ka hartuar ministria e financave do të sigurojë stabilitet makro ekonomik dhe konsolidim të stabilitetit fiskal.

Një pjesë e bukur e parave sipas zv ministres Elezi do të shkojnë për projekte infrastrukturore nëpër të gjitha vendbanimet e Maqedonisë, pa përjashtime.

“Me buxhet janë planifikuar mbi 25 miliardë denarë investime infrastrukturore, gjegjësisht mbi 418 milion euro, duke përfshirë të gjitha resorët, qoftë në sferën e arsimit, sferën e shëndetësisë, në sferën e punës dhe politikës sociale, në sferën e kulturës, zhvillim ekonomik mbi të gjitha dhe po ashtu kemi respektuar edhe strategjinë në periudhën afatmesme, në të cilën deficit buxhetor nuk do të tejkaloj 2.5%. Sigurisht që kemi planifikuar edhe rritjen e të hyrave dhe infrastrukturën në të gjitha vendbanimet, qofshin ato rurale apo urbane” – tha zv. ministrja e Financave, Shyrete Elezi.

Propozim- buxheti i vitit 2019 është i projektuar për rritje prej 3.2% të PBV-së. Të hyrat publike janë projektuar në 210.8 miliard denarë, kurse shpenzimet e përgjithshme në 228.5 miljrad denarë. Pritjet janë që norma e inflacionit të jetë e ulët dhe stabile në 2%kurse janë siguruar 1.1 miliard denarë për masa për punësim, me të cilat pritet që niveli i papunësisë të ulet në rreth 20%.

Me buxhetin planifikohen edhe rritje të rrogave, me çka rritja e rrogës në bazë nominale do të shkojë në 4.5%. Propozim buxheti u miratua të enjten në seancë të qeverisë dhe i njëjti do ti dërgohet Kuvendit për miratim.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota