Kosova ka përplot lisa!
E lisat “flasin” shumë. Secili e ka historinë e vet.
Mirëpo, Lisi trenjakë në Galicë, aty bri rrugës, përballë Varreve ka specifikat e veta. Mosha e tij nuk mbahet mend. Trupi i tij me shumë plagë, në vete ngërthen histori të shumta. Ama, një nuk harrohet kurrë.
…. Ishte pranvera e vitit 1915. Azem Galica me dy vëllezërit e tij, Seferin dhe Zenelin, pasi kishin thyer dyert e burgjeve serbe në Zajeqar dhe, për gazep, kishin mbërri në Galicë, pa humbur kohë formuan bërthamën e parë të Çetës çlirimtare, e cila shumë shpejt do të behej Nëna e të gjitha çetave, e që për shumë vjet rresht i doli zot Atdheut!
Dhe, pikërisht, në hijen e këtij Lisi, u mblodhën trimat e dheut, të Galicës, të fshatrave përreth dhe edhe më larg, e shtruan sofrën dhe u ulën rreth saj. Nëna Sherife ua solli flamurin shqiptar, që e kishte ruajtur në fund të arkës prej druri arre të zbukuruar me shqiponjën dykrenare dhe pasi e shpalosi mirë e shtroi mbi sofër. Trimat me dorën e majtë në zemër e me të djathtën mbi flamur njëzëri u betuan: “Betohemi në këtë flamur të shenjtë se sa të jemi gjallë do të luftojmë për lirinë e këtyre trojeve. Betohemi dhe bëjmë be se për Kosovën japim jetën sikur me le”…
Dhe, sot, ky Lis, mjerisht, ka zënë të thahet e të tretet, edhe pse, ka kohë që është evidentuar si Monument i trashëgimisë historike, por nuk është intervenuar fare në TË!
Të fundit
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniOpinione
Trazira në Europë, aty ku Perëndimi i trazuar takohet me Lindjen paqësoreAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë Eurosh



