E mërkurë, 18 nëntor 2026

Rubrikat

Mbështet Limit.al

Kryeministri grek: Do të zgjerohemi me 12 milje në detin Jon

Kryeministri grek, Kyriakos Mitsotakis, ka deklaruar në parlament gjatë ditës së sotme që qeveria po përgatit një projekt-ligj që do të zgjerojë territoret ujore të Greqisë me 12 milje në detin Jon. Mitsotakis u shpreh se shteti helen po ushtron të drejtën e saj në përputhje me Ligjin e Deteve.

“Me një draft që do të fusim në parlament, Greqia do të zgjerojë territoret e saj në Perëndim nga 6 deri në 12 milje. Greqia po zmadhohet. Të tjerët e kanë thanë, por në po e vëmë në praktikë”, u shpreh Mitsotakis, i cili shtoi se për zgjerimin e detit po përdoret edhe rregulli i linjës së mesme.

“Ministri i Jashtëm ka informuar palën shqiptare dhe italiane”, tha Mitsotakis.

Kjo lëvizje e qeverisë greke vjen pas arritjes së marrëveshjes me Italinë dhe Egjiptin për Zonat Ekonomike Ekskluzive. Dakordësia me shtetin arab, në fakt e ka futur në probleme me Turqinë, e cila pretendon se e njëjta zonë i përket asaj.

Ditën e djeshme, ministri i Jashtëm grek, Nikos Dendias, ka zhvilluar bisedë telefonike me kryeministrin Rama dhe homologun italian, Luigi Di Maio.

Sipas publikimit të tij në Twitter, ministri Dendias thekson se mes tij dhe zotit Rama ka folur për marrëdhëniet dypalëshe, por edhe lidhur me situatën në rajon ku aktualisht dominon tensioni me Ankaranë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota