E mërkurë, 18 nëntor 2026

Rubrikat

Mbështet Limit.al

Indeksi i Forumit Ekonomik Botëror për 2018: Bullgaria, ekonomia më konkurruese në Ballkan

Bullgaria mban vendin e 51-të në renditjen e Forumit Ekonomik Botëror për 2018. Sipas indeksit, Bullgaria është ekonomia më konkurruese në Ballkan, përpara Rumanisë (në vendin e 52), Greqisë (57), Turqisë (61), Serbisë (65), Malit të Zi (71), Shqipërisë (76) dhe Bosnjë- Hercegovinës (91), raporton Money.bg

Sipas kritereve individuale, Bullgaria renditet si një ndër vendet më të mira për adoptimin e teknologjisë së informacionit dhe komunikimit në biznes (në vendin e 30) dhe në kapacitetin e inovacionit (48). Renditjen më të ulët, ajo e ka në drejtim të institucioneve (në vendin e 70) dhe sistemit financiar (në vendin e 71).

Në renditjen e këtij viti, Shtetet e Bashkuara të Amerikës, janë ato që kryesojnë si ekonomia më konkurruese në botë për herën të parë që prej vitit 2008. 10 shtetet e para në këtë renditje pas Amerikës, janë: Singapori, Gjermania, Zvicra, Japonia, Holanda, Hong-Kongu, Mbretëria e Bashkuar, Suedia dhe Danimarka. Rezultatet e të gjitha këtyre shteteve kanë shënuar rritje krahasuar me vitin 2017.

Forumi Ekonomik Botëror tregon se rimëkëmbja ekonomike është duke ecur me ritëm të mirë, duke parashikuar një rritje prej 4% në 2018 dhe 2019, por ende vazhdojnë të mbeten të pranishme një numër i madh rreziqesh. Një nga këto është edhe lufta tregtare midis SHBA-së dhe Kinës. Në këtë renditje bëjnë pjesë 140 vende me 98 indikatorë që masin investimet e biznesit dhe produktivitetin.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota