E mërkurë, 18 nëntor 2026

Rubrikat

Mbështet Limit.al

Haziri: Kufiri i vitit 1956 duhet të jetë zgjidhja e fundme me Serbinë

Lutfi Haziri

Nënkryetari i Lidhjes Demokratike të Kosovës, Lutfi Haziri, ka ripërsëritur qëndrimin e tij lidhur me zgjidhjen përfundimtare ndërmjet Kosovës dhe Serbisë, duke insistuar që zgjidhja më e mirë është kthimi në vijën kufitare të vitit 1956.

Ai në Info Magazine ka thënë se problemi ndërmjet Kosovës dhe Serbisë është territorial dhe jo i të drejtave të njeriut, sidomos duke e ditur diskriminimin pozitiv që serbët e Kosovës e kanë me kushtetutë e ligj.

“Duhet zgjidhje territoriale(me Serbinë), kjo është çka është pritet dhe kjo do të ndodhë. Qëndrimi im personal është që duhet të ulemi dhe ta zgjidhim një herë e përgjithmonë këtë gjë. Presheva, Bujanovci e Medvegja nuk munden me mbetur peng i Leposaviqit dhe i disa fshatrave të Leposaviqit”.

“Përkundër aspiratave që i ka Serbia në lindje e në veri, sepse Serbia e do edhe Gjilanin edhe Mitrovicën por këto nuk mund t’i ketë”.

“Nëse për kryeministrin Haradinaj është shaka çështja e 100 mijë shqiptarëve dhe nëse kryeministri nuk e di që këta shqiptarë votojnë në Serbi nuk di cfarë të them. Janë thirrur në koalicion të vendimeve të mëdha dhe po dalin të jenë frikacakë”.
Haziri ka thënë se takimi me ambasadorin amerikan Greg Delawie e ka pas në fokus dialogun dhe rolin e LDK-së në këtë proces.

Ai ka nënvizuar se kryetari Isa Mustafa dhe LDK kanë insistuar se Kuvendi i Kosovës e ka humbur rolin në dialog, duke kërkuar legjitimitet para kësaj çështje.

“Ne kemi insistuar se duhet të ketë zgjedhje mandej dialog. Ambasadori ka dëgjuar qëndrimin tonë, ne do të vazhdojmë të bashkëpunojmë me ambasadorin amerikan. I kemi thënë bëhu gati për zgjedhje”.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota