E mërkurë, 18 nëntor 2026

Rubrikat

Mbështet Limit.al

Greqia do të rrisë sërish pagën minimale nga 1 maji

Greqia do të rrisë pagën minimale për herë të dytë gjatë këtij viti, deklaroi kryeministri Kyriakos Mitsotakis, pasi rritja e inflacionit ndikon në të ardhurat e konsumatorëve.

Qeveria rriti pagën minimale mujore bruto me rreth 2% në 663 euro nga 1 janari 2022.

Një rritje e dytë do të zbatohet nga 1 maji, tha Mitsotakis për televizionin Antenna.

“Unë vlerësoj se rritja e pagës minimale do të jetë një rritje e konsiderueshme, do të jetë shumë më e lartë se rritja prej 2%”.

Rritja e kostos globale të energjisë ishte nxitësi kryesor i inflacionit që arriti në 5.1% në dhjetor, niveli më i lartë në 11 vjet, sipas të dhënave nga instituti i statistikave greke ELSTAT.

“Ne vlerësojmë se ky shqetësim (me çmimet e energjisë) do të jetë më intensivë në tre muajt e parë të vitit 2022 përpara se të qetësohet”, tha Mitsotakis.

Qeveria ka shpenzuar rreth 1.35 miliardë euro subvencione për të ndihmuar familjet dhe bizneset me rritjen e faturave të energjisë dhe gazit që nga shtatori. Javën e kaluar, Greqia zgjati lehtësimin financiar me një kosto shtesë prej rreth 400 milionë euro.

Greqia ka zgjatur kufizimet me një javë për baret dhe restorantet për të ndihmuar në frenimin e variantit Omicron, dominues në vend, i cili ka rritur shumë infeksionet e reja javët e fundit./ Reuters

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota