Një grua greke është dënuar me 10 vjet burgim për shkak të falsifikimit të diplomës së shkollës fillore, një vendim gjyqësor ky që ka provokuar trazira në vend.
Gruaja 53-vjeçare kishte punuar në një çerdhe publike për 15 vjet, derisa një rishikim në vitin 2014 zbuloi se ajo kishte falsifikuar një certifikatë të shkollës fillore. Një gjykatë rajonale e shpalli dënimin ndaj 53-vjeçares me akuzat për mashtrim të publikut.
“Ky vendim nuk është thjesht jonjerëzor. Është një shenjë domethënëse patogjene e sistemit kriminal gjyqësor”, deklaroi Shoqata për të Drejtat e Njeriut në Greqi.



