E mërkurë, 18 nëntor 2026

Rubrikat

Mbështet Limit.al

GAZIMESTAN 28 QERSHOR 1989

Nga Salih KABASHI

Aso senje pat ardhë në Kosovë Sllobodan Millosheviqi. Në Gazimestan ai e pat mbajtë fjalimin qëndror: kobzi, nacionalist e luftënxitës.Vetëm tre muaj më parë, përmes tradhtarëve shqiptarë, Serbia kishte pshurrë në autonominë e Kosovës të Kushtetutës 1974.

Fjalën Sllobodanit në Gazimestan, më 28 qershor 1989, para rreth dy milionë njerëzve, le ta kujtojmë e mos ta harrojmë, e patën përcjellë me pjesëmarrjen e tyre direkte edhe dy kryesitë komplete të Jugosllavisë, kryesia shtetërore me sllovenin Janez Dërnovshek dhe kryesia partiake me maqedonasin Milan Pançevski.

I vetmi nga Kryesia e RSFJ-së, i cili e pati bojkotuar Gazimestanin, ka qenë përfaqësuesi kroat, Stipe Shuvar.

Në kremtim të 600 vjetorit të Betejës natyrisht se ishte e pranishme krejt udhëheqja e lartë e Kishës Ortodokse Serbe.

Në delirin serb në Gazimestan patën marrë pjesë pothuajse të gjithë ambasadorët e shteteve të Aleancës NATO dhe të Bashkimit Evropian të akredituar në Jugosllavi asokohe.

Me përjashtim të amabasorëve të SHBA-ve dhe të Turqisë.

Por, fjalimit nacionalist e antishqiptar në Gazimestan i patën duartrokitur e brohoritur jo vetëm i marri Rrahman Morina, por edhe koxha do shqiptarë dallaverexhi, katolikë e muslimanë…

Pasazhet «proevropiane» në fjalimin e Sllobodan Millosheviqit, ku ai flet për Serbinë, Millosh Obiliqin e Car Lazarin si mbrojtës jo aq të Serbisë sa të Evropës nga otomanët, ngjajnë si koqja me koqe me interpretimet e cofta të historianëve e pseudonacionalistëve shqiptarë, sidomos të atyre nga Kosova.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota