E mërkurë, 18 nëntor 2026

Rubrikat

Mbështet Limit.al

Delawie: Ka kufizime çka do të pranojmë në marrëveshjen ndërmjet Kosovës e Serbisë

Ambasadori amerikan në Prishtinë, Greg Delawie tha të premten se thelbi i marrëveshjes ndërmjet Kosovës e Serbisë duhet të vijë nga palët por sipas tij ka kufizime se çka do të pranohet.

Ai i bëri këto komente nëpërmjet një video mesazhi, ku shprehu përkushtimin e Shteteve të Bashkuara të Amerikës ndaj sovranitetit dhe suksesit ekonomik të Kosovës.

“Jemi plotësisht të vetëdijshëm për rolin historik që Shtetet e Bashkuara të Amerikës e kanë luajtur për t’i dhënë fund konfliktit në përgjithësi në Ballkan dhe në veçanti në Kosovë. Nuk duam që të kthehen ditët e dikurshme, nuk duam që të shohim një marrëveshje që do të krijonte më shumë probleme se sa që do të zgjidhte. Duam të ndihmojmë në arritjen e një marrëveshjeje të zbatueshme, të qëndrueshme dhe që i kontribuon qëndrueshmërisë në rajon”,tha amabsadori Delawie duke nënvizuar çdo marrëveshje duhet të garantojë sigurinë për të gjithë qytetarët e saj, duke përfshirë grupet e pambrojtura, serbët e Kosovës dhe kishën ortodokse serbe.

“Javëve të fundit ka pasur pak retorikë të padobishme, duke përfshirë edhe kërcënime dhe gjuhë të tillë që e kemi dëgjuar gjatë ditëve të këqija të dikurshme të komunizmit. Kjo duhet të ndalojë. Deklaratat e tilla minojnë gjasat për zgjidhje dhe i ngritin tensionet. Dhuna dhe kërcënimet për dhunë janë të papranueshme. Ne do të qëndrojmë krah jush gjatë këtij rrugëtimi”, thuhet në video mesazhin e ambasadorit amerikan Delawie.

Muajin e kaluar, debatet rreth ideve të ndarjes së Kosovës u rindezën pasi që ambasadori amerikan, Greg Delawie, nuk deshi të përgjigjej drejtpërdrejtë në një intervistë, nëse Shtetet e Bashkuara e përjashtojnë ndarjen si zgjidhje në procesin e bisedimeve ndërmjet Kosovës dhe Serbisë.

Debatet bënë që vetë ambasadori Delawie të bëj thirrje në rrjetin social twitter që siç tha, të injorohen lajmet e rreme, ndërsa theksoi se qëndrimi i tij ishte se Kosovës i duhet që të gjejë se cilat janë qëllimet e saj dhe i duhet të përpiqet të arrij një lloj konsensusi për ato qëllime.

Një marrëveshje gjithëpërfshirëse për normalizimin e marrëdhënieve ndërmjet Kosovës dhe Serbisë, është kusht për të dyja vendet për integrim në Bashkimin Evropian.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota