E mërkurë, 18 nëntor 2026

Rubrikat

Mbështet Limit.al

BE nuk i komenton rezultatet e zgjedhjeve në Mal të Zi

Bashkimi Evropian beson se Mali i Zi do të vazhdojë rrugën e integrimeve evropiane, që gëzon mbështetjen e qytetarëve, por në këtë moment nuk dëshiron t’i komentojë rezultatet e zgjedhjeve të zhvilluara të dielën.

Zëdhënësi i Komisionit Evropain për Çështje të Jashtme dhe Siguri, Peter Stano, tha se Bashkimi Evropian do të dalë me qëndrimin e tij rreth zgjedhjeve pasi të publikohet raporti i vëzhguesve nga Zyra për Institucione Demokratike dhe të Drejta të Njeriut (ODIHR).

Ai tha se është praktikë e institucioneve të BE-së që mos t’i komentojnë zgjedhjet derisa ODHIR-i të mos përpilojë raportin për procesin zgjedhor.

“Mali i Zi është një partner i rëndësishëm në procesin e zgjerimit. Ne e kemi ndjekur procesin e tërë zgjedhor dhe pozicionin tonë do ta bazojmë në raportin e ODHIR-it”, tha Stano.

Zgjedhjet parlamentare në Mal të Zi u zhvilluan më 30 gusht, me një pjesëmarrje prej më shumë se 75% të qytetarëve.

Sipas rezultateve paraprake, shanset për të fituar pushtetin i kanë partitë opozitare që i lidh nacionalizmi serb dhe orientimi pro-rus.

Mali i Zi, për momentin, është shteti më i avancuar i rajonit të Ballkanit Perëndimor në procesin e anëtarësimit në Bashkimin Evropian.

Ka pasur shqetësime se, në rast të ndryshimeve të brendshme në Mal të Zi, mund të ketë rrezikim të rrugës evropiane të këtij shteti, i cili tashmë është bërë edhe anëtar i NATO-s.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota