E mërkurë, 18 nëntor 2026

Rubrikat

Mbështet Limit.al

“ALI DACI, NJË EMËR QË I BËN NDER KOMBIT”

* Kryeredaktor i “Gazeta e Alpeve” për Malin e Zi e Sanxhak, antar i Bordit Botues të “Gazeta e Alpeve”–gazetë Rajonale-PanShqiptare-NdërBallkanike (2018-‘21)

* Themelues dhe Udhëheqës i Manifestimit Kulturor Kombëtar “Ora e Maleve” në Rrozhajë (2008-‘21), që iu dedikohet dëshmorëve dhe martirëve të Luftës së Kosovës (1999).

* Themelues dhe Nënkryetar i Shoqatës “Kosova për Sanxhakun” (2015-’21)

* Nënkryetar i Lidhjes Demokratike Shqiptare (LDSH- e para parti shqiptare në Malin e Zi, në Tuz, 9 shtator 1990),antar i kryesisë së saj prej themelimit (1990-’21), kryetar i LDSH-dega Rozhajë (1993-’15), kryetar Nderi i LDSH-dega Rozhajë (prej v. 2015).

* Mësues i Gjuhës e Letërsisë Shqipe në 32 vite në të vetmen shkollë të sotme shqipe në komunën e Rozhajës, duke kontribuar për të mbajtur të gjallë Gjuhën Shqipe e të hapur Shkollën Shqipe.

* Themelues e Kryetar i Këshillit Emergjent në Malësi (komunën) të Rozhajë për Strehimin dhe Përkujdesjen ndaj të Përndjekurëve nga regjimi i Milloshoveçit përgjatë kohës së Luftës së Kosovës (1998-1999), ku janë pritë, strehue e përcjellë rreth 400 mijë vetë. Këshilli Emergjent i Ali Dacit ka pasë në Rozhajë Zyrën për Informim, Qendren për Strehim dhe Distribuim të Ndihmave, Zyrën e Ndihmës Shëndetësore, Zyrën e Arsimit (hap shkolla shqipe përkohore për fëmijët e të përndjekurëve nga spastrimi etnik kriminal e gjakatar në Kosovë, si dy shkolla në qytetin e Rozhajës dhe në fshatrat Dacaj, Bishevë, Ballotiq, Baçe, Besnik, Buxhov). Gjatë kësaj kohe ka bashkëpunuar me të gjitha organizatat humanitare vendore si me UNHCR, World Vision, Kyqin e Kuq Shqiptar, OHM “Merhumet” në Sanxhak.. Gjithashtu, i ka ndihmuar aktivisht, shumëfishtë e lartësisht Luftën e Kosovës, shtabe e luftëtarë të UÇK, etj. Gjatë kësaj kohe e ka ndërkombëtarizuar Çështjen e Luftës së Kosovës, Çështjen e të Përndjekurëve nga Kosova në Rozhajë etj. në mediat ndërkombëtare në Europë, Amerikë e Azi dhe në Rajonin Ballkanik.

* Themelues dhe antar i Këshillit Organizativ të Lojërave Tradicionale Rugoviane (1993).

* Pjesmarrës aktiv në Këshillin e Pajtimit të Gjaqeve në Malësinë e Rozhajës, (sëbashku e gjashtë të tjerë e me kryetar Isuf H. Daci).

* Ka aderuar në Lidhjen Demokratike të Kosovës (LDK-në e dr. Ibrahim Rugovës)- Dega në Pejë, qysh në vitin 1990.

* Ndër udhëheqësit e Demonstratës të 11 marsit 1994 në Gjakovë…dhe më 13 mars 1998 në Rozhajë kundër dhunës serbe në Kosovë.

* Ndër vite ka qënë bashkëpunëtor i RTV të Malit të Zi (Redaksia në Gjuhën Shqipe),për tre vite korespondent i Radio Peja (pas Luftës së Kosovës), ka bashkëpunuar ndër vite edhe me “Bota Sot”, “Pavarësia”, “Iliria Post”, “Koha Javore”, etj. apo vitet e fundit me “Gazeta e Alpeve” – gazetë rajonale, Portalin kombëtar “Limit.al” etj. me studime, analiza e artikuj lidhur me gjendjen e poziten e derisotme të Shqiptarëve në Malin e Zi e Sanxhak. Më 9 janar 2015, në Radio Rozhaja ka hap Programin informativ e kulturor në Gjuhën Shqipe, ku është punësuar gazetare e folëse një shqiptare, sot një shqiptar.

* Ka kryer shkollimet në Dacaj e Pejë dhe ato pedagogjike në SHLP “Bajram Curri” në Gjakovë.

* Ka botuar e publikuar mbi 500 shkrime në masmediat shqiptare e të huaja përgjatë katër dekadave të fundit..

*Autor i librave:“Zemër e madhe në Malësi”. Pejë, 2006 (me bashkautor, Rrahman Jasharaj); “Shtigjet e rinisë”. Poezi. Shtëpia Botuese “Lulu” në New York në Amerikë (2006); “Shtigjet e përgjakura”. Monografi. 2009 (botimi i parë) dhe 2020 nëPejë (Botim i Dytë i Plotësuar), “Krvave Staze” (në gjuhën malazeze ose boshnjake), Prishtinë, 2015. (Studime, analiza, komente). SHB “EMAL”, Tiranë, 2021.

* Dekoruar me Urdhrin “Naim Frashëri” nga Presidenti i Republikës së Shqipërisë, Sh.T.Z. Ilir Meta (2018).

* Shpall “Qytetar Nderi” i Pejës” nga komuna e Pejës në Njëzet Vjetorin e Çlirimit të Pejës. (2019).

* Nderuar me Çmime e Mirënjohje të ndryshme nga komunat e Pejës, Deçanit, Istogut e Klinës në Kosovë, dhe nga “Takimi i Gjakovës, 2019” e “Gazeta e Alpeve” me Çmimin “Hasan Prishtina” dhe me rastin e 7 Marsit 2021 me Çmimin “Pena Alpine”, që do i dorëzohet në Veprimtarinë e 6 Nëntorit 2021 në Muzeun Historik Kombëtar në Tiranë.

Veprimtaria kombëtare “Ali Daci, një emër që i bën nder Kombit“ do të jetë më 6 nëntor 2021, ditë e shtunë, ora 11.00, në Salla UNESCO në Muzuen Historik Kombëtar në Tiranë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota