E mërkurë, 18 nëntor 2026

Rubrikat

Mbështet Limit.al

Akti i parë i ndryshimit politik në Mal të Zi: si do të jetë Qeveria e Dritan Abazoviçit

Asnjë të papritur në Podgoricë; shumica e Parlamentit të vendit ka rrëzuar rendin e ditës që kishte përpiluar qeveria proserbe për të shkarkuar zv.kryeministrin e saj, shqiptarin Dritan Abazoviç.

Seanca parlamentare zgjati vetëm disa minuta dhe vetëm 20 deputetë kanë votuar për ta shkarkuar Dritan Abazoviçin, ndërsa 46 kanë abstenuar, ndërkohë që 11 deputetë kanë qenë kundër.

Me një fjalë; mazhoranca proserbe ka rënë politikisht dhe nesër pritet të bjerë edhe formalisht.

Ka ndodhur një zhvillim shumë i rëndësishëm që politikë, pasi Dritan Abazoviç ka çarë në dysh aleancën proserbe dhe sot është gati të ndërojë një qeveri të re pa qenë i shantazhuar nga Milo Gjukanoviç.

Nga 39 deputetë që ka mazhoranca e tre koalicioneve që kanë fituar më 30 gusht 2020, vetëm 20 kanë votuar për shkarkimin e Dritan Abazoviçit. Që do të thotë, 19 deputetë, kreu i URA i ka me vete, dhe i duhen vetëm 22 deputetë për të bërë një qeveri të re. E që sipas gjasave do të ndodhë shumë shpejt, prej nesër kur në program është votimi i mocionit të mosbesimit ndaj qeverisë së Zdravko Krivokapiçit.

Nga numrat e sotëm del që situata është e qartë, aq e qartë sa vetë kryeministri i Malit të Zi, inxhinieri serb nga Nikshiqiështë dorëzuar.

Pra 46 deputetë kanë abstenuar ndaj votimit për shkarkimin e Abazoviçit, 11 kanë votuar kundër, që do të thotë një shumicë prej 57 deputetësh që i bie gati dy të tretat e Parlamentit. Çdo të thotë kjo: shumë shpejt pritet të ngrihet një qeveri ekspertësh me praninë e serbëve në qeveri.

Dritan Abazoviç ka bërë të ditur se pa partitë serbe nuk do të kishte një Mal të Zi të paqtuar. ​Kreu i URA ka marrë me vete dy parti të rëndësishme të botës proserbe: Partinë Socialiste Popullore që e ka themeluar Momir Bullatoviç dhe Demosi i Miodrak Lekiçit.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Bota