E mërkurë, 18 nëntor 2026

Rubrikat

Mbështet Limit.al

Zbulohet pasaporta më e fuqishme në botë për vitin 2023!

Një treshe pasaportash aziatike u ofrojnë udhëtarëve liri më të madhe në vende ndryshme të botës se të çdo vendi tjetër, sipas një raporti të ri tremujor të publikuar nga firma këshilluese për shtetësinë dhe qëndrimin global me qendër në Londër, Henley & Partners.

Qytetarët japonezë gëzojnë akses pa viza ose viza sipas kërkesës në një rekord prej 193 destinacionesh në mbarë botën, pak përpara Singaporit dhe Koresë së Jugut, qytetarët e të cilëve mund të vizitojnë lirisht 192 vende.
Dhe tani që Azia-Paqësori po hapet pas Covid-it, qytetarët e saj kanë më shumë gjasa ta përdorin përsëri atë liri udhëtimi.

Udhëtimi global tani është në rreth 75% të niveleve para pandemisë, sipas publikimit të fundit nga Henley Passport Index.

Në Europë Gjermania dhe Spanja janë të lidhura në 190 destinacione, të ndjekura nga Finlanda, Italia dhe Luksemburgu me 189.

Më pas janë Austria, Danimarka, Holanda dhe Suedia të gjitha në vendin e pestë, ndërsa Franca, Irlanda, Portugalia dhe Mbretëria e Bashkuar janë në vendin e 6-të.

Zelanda e Re dhe Shtetet e Bashkuara shfaqen në numrin 7, krahas Belgjikës, Norvegjisë, Zvicrës dhe Republikës Çeke.

Shtetasit afganë ulen sërish në fund të indeksit dhe mund të hyjnë në vetëm 27 vende pa kërkuar vizë paraprakisht.

Pasaportat më të mira në vitin 2023, sipas Indeksit të Pasaportave Henley

1.Japoni (193 destinacione)
2.Singapor, Koreja e Jugut (192 destinacione)
3.Gjermani, Spanjë (190 destinacione)
4.Finlandë, Itali, Luksemburg (189 destinacione)
5.Austri, Danimarkë, Holandë, Suedi (188 destinacione)
6.Francë, Irlandë, Portugali, Mbretëria e Bashkuar (187 destinacione)
7.Belgjika, Zelanda e Re, Norvegjia, Zvicra, Shtetet e Bashkuara, Republika Çeke (186 destinacione)
8.Australi, Kanada, Greqi, Maltë (185 destinacione)
9.Hungari, Poloni (184 destinacione)
10.Lituani, Sllovaki (183 destinacione)

Pasaportat më të këqija në 2023, sipas Indeksit të Pasaportave Henley

101.Koreja e Veriut (40 destinacione)
102.Nepal, territori palestinez (38 destinacione)
103.Somali (35 destinacione)
104.Jemeni (34 destinacione)
105.Pakistan (32 destinacione)
106.Siri (30 destinacione)
107.Irak (29 destinacione)
109.Afganistan (27 destinacione)

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra