E mërkurë, 18 nëntor 2026

Rubrikat

Mbështet Limit.al

VEPRA E AMBASADOR DR. ISLAM LAUKA: “KOSOVA E KËRCENUAR NGA GJARPRI I SHTËPISË” DO TË PROMOVOHET DHE NË TIRANË – Nga Ramiz LUSHAJ

           Vepra ma e re e ambasadorit, dr. Islam Lauka: “Kosova e kërcenuar nga gjarpri i shtëpisë”, pas promovimit në Bibliotekën Kombëtare Universitare të Prishtinës (19 prill) dhe në komunën e Deçanit të Kosovës (10 maj), në fund të këtij muaji, më 31 maj 2019, ditë e premte, ora 12.30, do të promovohet edhe në Tiranë, në sallën “Classic” (250 vendshe) të Hotel Tirana International, një nga hotelet ma të mira në Ballkan e Europë, sidomos për veprimtari të tilla.

            Folës kryesor do të jetë z. Besnik Mustafaj-ish ministër i Ministrisë së Punëve të Jashtme të Shqipërisë (2005-’07), Presidenti aktual i Këshillit të Ambasadorëve Shqiptarë, ambasador i Shqipërisë në Francë e UNESCO (1992-’97), botues, analist, pas Kadaresë është shkrimtari shqiptar ma i përkthyer e botuar dhe vlerësuar në botë nga kritika e publiku (i botuar në disa gjuhë, shtete, kontinente), me disa çmime (ndër)kombëtare për veprat e tij, deputet në disa legjislatura të Kuvendit të Shqipërisë.

               Rreth librit e tematikës së tij do të ketë diskutime të shkurtëra nga diplomatë të karierës, të botës akademike e të fushës politike.

Do të flasin prof. dr. Marko Bello – ish ministër i Integrimit Europian, ambasador i Shqiëprisë në Rumani (1997-2000), doktor i Shkencave Juridike e Marrëdhënieve Ndërkombëtare, antar i Këshillit të Ambasadorëve Shqiptarë dhe i Institutit të Studimeve Ndërkombëtare, ish korrespondent i Reuters e BBC, deputet në Kuvendin e Shqipërisë (2001-’13), profesor në Universitëtin Ndërkombëtar të Strugës në Maqedoni.

               Do të flasin diplomati i karierës (prej v. 1982), Leonidha Mërtiri, me detyra e funksione në MPJ të Shqipërisë, në ambasadat shqiptare në Beograd (1987-1991), në Shkup (1993…), ambasador i Shqipërisë në Rumani (2000-2006), antar i Këshillit të Ambasadorëve Shqiptarë, poet, prozator, analist, autor i disa librave.

               Fjalë rasti të shkurtë do të mbajnë dhe botuesi i veprës, drejtori i Shtëpisë Botuese “Konica” në Prishtinë, shkrimtari i mirënjohur, Nazmi Rrahmani, i cili ka punuar gazetar e redaktor te Radio Prishtina, gazeta “Rilindja”, redaksia “Jeta e Re”, botimet “Rilindja”, autor i disa romaneve të jehonshëm ndër dekada shqiptare, ndër studiuesit e Letërsisë Shqipe, është vlerësuar e nderuar me çmime të ndryshme.

             Gjithashtu, fjalë rasti të shkurtë do të mbajnë edhe autori i veprës doktori i shkencave politike, diplomati e pedagogu Islam Lauka, i dekoruar me “Kalorës i Urdhrit të Flamurit” nga Presidenca e Shqipërisë (2018), ambasador i Shqipërisë në Kosovë (2009-’14), dekan i Trupit Diplomatik të akredituar në Prishtinë (2013-’14), president i Qendres Shqiptare të Studimeve Amerikane e Britanike (prej v. 2003), drejtor i Institutit Shqiptar të Studimeve Politike (prej v. 2005), autor i disa veprave për Ksoovën të botuara në shqip, anglisht, arabisht, rusisht, serbisht, persishtm greqisht, “Qytetar Nderi” i komunës së Bytyçit (2010) e i qytetit Bajramcurri (2015) dhe i komunës Deçan në Kosovë.

               Pjesë e programit të promovimit të kësaj vepre është dhe interpretimi aktorial me tematikë për Trojet Etnike Shqiptare i artistit të skenës e ekranit, Çun Lajçi, 73 vjeçar, aktor i rregullt i Teatrit të Prishtinës (prej v. 1970, derisa e hoqën më 1993 serbët e më 2011 qeveritarët shqiptarë), i dekoruar me titullin “Mjeshtër i Madh” nga Presidenca e Shqipërisë (2017), me dekoratën “Naim Frashëri”, me Çmimin e Karrierës” nga Ministria e Kulturës e Kosovës, etj. poet–me dy libra të botuar, za atdhetar rugovian në mbrojtje të trojeve të parëve e padrejtësive të shekujve.

               Në fund të kësaj veprimtarie promovimi do të ketë dhe një Koktej për të pranishmit.  

Botuesi i veprës, ShB “Konica”, do të ofrojë një numër kopjesh për shitje dhe kush dëshiron të ketë në libër firmën e autorit, autograf të tij, ai do të jetë në dispozicion të lexuesve.

Në promovimin e veprës të ambasador dr. Islam Lauka “Kosova e kërcenuar nga gjarpri i shtëpisë” do të marrin pjesë personalitete të larta të politikës aktuale, të botës akademike e diplomatike, të Letrave Shqipe, të Shoqërisë Civile, të Masmediave Shqiptare e të Huaja, etj. nga Shqipëria, Koosva, Mali i Zi, Maqedonia e Veriut dhe nga Diaspora në Europë e Amerikë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra