E mërkurë, 18 nëntor 2026

Rubrikat

Mbështet Limit.al

Tuba me 5 fëmijë e shkrimtarit Agron Tufa… – Nga Petrit PALUSHI – Kukës

Njëjtë si me qenë nji tubë zogjsh a me lulebore. Fëmijët janë bereqet dhe bereqeti s’të le kurrë n’udhë…

Por, veçanërisht kohët e fundit Agronin e sulmojnë dhe mbërrijnë deri në shkallë t’epërme: Babën e 5 fëmijëve e kërcënojnë për shkak të detyrës.
Me Institutin që ai drejton, përpiqet të dëshmojë të vërteta t’idhta që ndodhën në Shqipninë e dramatizuar gjatë regjimit komunist. Dhe e vërteta që përcjell A. Tufa me kolegët e vet asht pelin e idhët.
Kërcënuesit në mes të Tiranës, komunistë të devotshëm t’asaj kohë, të cilët janë ende në pushtet në Shqipninë tonë demokratike që po na bën verem për 1000 e nji arsye.
Tani gjejnë forma surreale me sulmu intelektualin e panënshtrueshëm A. Tufa dhe forma ma e fundit asht: Spartakshe! Pra: “Tërhiqu! Ne s’na gjen gjë. Ne tani i kemi të gjitha, kemi edhe lirinë tuaj. Ju keni harruar, po ne jemi ata të djeshmit.”.
Por aplikuesit e formës “Spartakshe!”, si duket nuk e dinë sentencën e O. Wilde: “Askush në këtë botë s’asht aq i pasun sa ta blejë të kaluemen e vet”.

Miku im A. Tufa e di mirë se Shqipnija jonë e dashtun po kërruset e po vogëlohet edhe prej komformizmit të “intelektualëve”, pro-pushtetasve të sahershëm, servilëve e kopilave e kastrakopilave të tjerë.
Por ai, njikohësisht e di fort mirë nji proverb të zonës së Lumës: “Nata sado e gjatë me qenë e ka mëngjesin nën lëkurë”, ashtu si thoshte dikur Shekspiri: “Nuk ka natë të gjatë pa ardhë mëngjesi”.

A. Tufa ka mbështetje natyrisht, por edhe të mos kish fare, mjafton tuba prej 5 fëmijësh që ka, dhe kjo tubë i shfaqet në formën ma ngazëllyese, i jep ngrohmë në përditshmërinë e vet.
Ja, pra që e paska një lloj mbështetje t’epërme! Vezulluese!

Zoti e bekoftë këtë tubë me lulebore!

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra