E mërkurë, 18 nëntor 2026

Rubrikat

Mbështet Limit.al

Sonte sodis vetëm nurin tënd

Nga Hasan Qyqalla – Gjermani

E dashur Nënë,
nuk e dhe frymën (e fundit)
pa të takuar edhe njëherë
pa të puthur ballin tënd bilur
pa të lehtësuar dhembjet e thinjura
pa të thënë lamtumirë, o nur!

Sonte sodis natën e zezë mbi Bardh
e zemra e bardhë u nxi
ndjehem si bonjak, shpirti ka mall
mbase, kurrë më s’do t’i prek ata sy

E mëtoj pellgut të lotëve, all…!

Nënë, ma fal buzëqeshjen si privilegj të lindjes
se sonte na u thanë damarët prej dhimbjes!

Nënë, o nënë…
kryepersonazh jete
pas njëmijë dashurive
prapë paska vdekje?!

Ah e dashura Nënë
Ishe toka ime
Ti bota ime ishe

kurrë më s’më përcjellin pritjet as ndarjet
madje të pakuptimta më bëhen edhe vajtje – ardhjet…!

Unë biri yt bonjak!!!

(Nëntë yje mëtojnë nurin e Hanës kësaj Dite
se retë e zeza kur bi’jnë edhe kur del Hëna
dhembjet, i thyen notat në pentagram, oiii, oiii, oiii…
stuhi e zezë mbërthen motin, kur s’flet më Nëna.)

Prishtinë, (Bardh), 5/6 shtator 2018.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra