E mërkurë, 18 nëntor 2026

Rubrikat

Mbështet Limit.al

SA MIRË QË ERDHA…! – Nga Zyra AHMETAJ

Erdha në Prizren,
gjeta vëllan,
Arbrin e dashur,
që më priste,me ardhë.

Erdha në Prizren
e gëzuar, me dëshirë.
Në rrugë të kalldremta,
gjeta një copë Korçë,
një copë Gjirokastër
të zbukuruara si qilim.

Erdha në Prizren.
Gjeta urat që bashkojnë brigje;
gjeta urën e dashurisë,
të ndërtuara heret
me besën e bashkimit.
Gjeta gjithë ilirinë
në udhë përjetsie.

Erdha në Prizren.
Në një shpat,
-një mbi një dritaret ,
-kishën dhe xhaminë
në një oborr;
gjeta një copë Berat.

Erdha në Prizren.
Të lartë e pash Kalan,
gjeta puthaqiejt, Shkodër,
Gjirokastër, Durrës,Berat,
Dibër dhe plot kala të lashta,
nga më të lashtat në Ballkan.

Erdha në Prizren,
gjeta shatërvan,
-gurgullimë frymzimi kristalor,
me uj-burimjetë
si prroje me ujvarë.

Erdha në Prizren.
Gjeta Shtëpinë e Lidhjes së Prizrenit,
– fijet vëllezërore të lidhjes shqiptare,
-fijet strukturore të lidhjes së trojeve Ilire;
-fijet e pjedestalit
të formimit të shtetit.

Erdha në Prizren
Gjeta qiellin e shkruar
me vargje poetësh,
-dashuriylberore,
pikturuar ëngjëllin tonë Kombëtar,
strategun e liris Dardane,
strategun e paqes shekuj të munguar;
me mbiemër-frymëmarrje të trojeve tona,
e gjeta legjenden-Ibrahim Rugova.

Erdha në Prizren.
E gjeta nderimin,
gjeta përkrahjen, mora adhurimin,
miqtë me zemra hapur,
më falën fluturimin.

Erdha në Prizren.
E gjeta bujarinë,
gjeta unitetin kombëtar;
gjeta dashurinë;
Gjeta Prizrenin e ri, të lartuar
në pjedestalin-histori
Sa mirë që erdha!
E gjeta gjithë Shqipërinë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra