Nga: Zeqir Lushaj
( Dervish Luzha me Sadik Selmanin, Gri, 1963)
Tybe n’Zotin, istikfa! Ne,
E mërkurë, 18 nëntor 2026
Nga: Zeqir Lushaj
( Dervish Luzha me Sadik Selmanin, Gri, 1963)
Tybe n’Zotin, istikfa! Ne,
Nuk jemi besimtarë-sot,
Adikatli, ish Ai, Dervish Luzha,
Robi i Zotit…, kur nuk kish Zot !
…!
E shoh…, e shoh kudo,
Atë fotografi,
Të Dervish Luzhës,
Dhe…, baj çudi !!
Në mure dhomash,
Në kabina makinash,
Në unaza nusesh,
E kopertina librash!
-A thue, këta besimtarë,
A e patën ditë kush ish Ai ?
Ai, Jahu, me kazëm e lahutë,
Myshema-grisur me t’tutë ?
…!
Mendoj me vete:
– Ky luzhjan i çuditshëm,
S’ka qenë kurrë President,
Kryeminister…, as deputet !
…!
Si arriti aq lart, Ai,
I braktisuri nga të gjithë,
(I sfilituri rrugave !),
“I huaj”, në vend të vet?!
…Besnikëria (pa luhatje),
Në rrugën e idesë së Tij,
Besimtarin e pathyeshëm,
E bani Profet në çdo shtëpi !
…!
Eshtë…, i vetmi Njeri,
Në Globin Tokësor,
Që u vetvarros përsëgjalli,
(Tek Vorret e Shalës,
Në anë të rrugës !),
Simboli i Lirisë,
Kur mungonte Liria,
Fuqia Hyjnore kish emër:
-Dervishi i Luzhës !
Sot, për At’ Burrë,
Mijëra njerëz betohen,
Veçse, dijeni fort mirë,
Veprimet e jetës së Tij,
Kuuurrë…, kuuurrë, (krejt),
Nuk mund të lexohen !
…!
Servilizmi, shkatërron dynjanë,
Fenë dhe shpirtin, të gjitha anët !
Ata që ju turrën t’i këpusin kokën,
Sot, shkojnë t’ja puthin kambët (!!)
Nuk e fshehi mendimin tim,
(Frymor, i gjallë, i lirë, ateist):
-Sado që të nervozohet Profeti,
Hipokritëve, s’ju ban dot bisht !
-Unë, s’kam ardhë te Turbja Jote,
I dashur dajë, -drejtë po të kallxoj ! *
Kam folë me Ty, jo pak përsëgjalli,
Për sëvdekuri nuk kam ç’ka të shtoj.
…!
Tybe n’Zotin, istikfa! Ne,
Nuk jemi besimtarë-sot!
Adikatli, ish-Ai, Dervish Luzha,
Robi i Zotit…, kur nuk kish Zot !
./.
*Autori i kesaj vjershe, është nip në Nigegaj të Luzhës,dhe
gjithmonë me Dervish Luzhën, ka komunikuar si, nip e dajë !
(Këtë poezi e botoj në 25 vjetorin e vdekjes së babait tim, Sadik Selmanit, dhjetor 1986)
./.
-Per revisten limit.al, marrë nga libri i autorit Zeqir Lushaj, “PIEDESTALI”, faqe 93-
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë EuroshAktualitet
Turizmi botëror drejt rekordit: 1.57 miliardë mbërritje më 2026


