E mërkurë, 18 nëntor 2026

Rubrikat

Mbështet Limit.al

QUMËSHTI i NËNËS!

Kur lindi vëllai vogël, fëmija i katërt i familjes tonë, nëna ish… ja sa në këtë foto!

Punonte rrobaqepëse. Bleu një biçikletë “mifa”, se për të ardhur për ti dhënë qumësht vëllait nga tej “21 dhjetorit” e deri në Kinostudio ku kishim shtëpinë duheshin dy autobuza! Ajo shkonte në punë pasi i jepte vëllait qumësht dhe e conte në çerdhe në orën 6. 00, vinte e ushqente sërish në orën 9. 00 dhe kthehej nga puna mbasdite…

Sot tek e çoja tek babai për ti ujitur lulet mbi varr më tregoi nga makina vendin ku kish rënë në gropë rruge afër murit të Kinostudios.

– U vrave shumë?! -e pyeta me sy të dhembsur për një ngjarje 47 vjet të shkuara.

– U vrava, u dërmova në brinjë! Por më shumë u trëmba.

– Përse u trembë?! Mos të fliste babai?!

-Jooo! Babai ishte ëngjëll! Nuk dinte të shante. Por kisha frikë mos më trembej qumështi…

I shkova dorën në flokët e thinjur nënës time dhe desha të mbështes kokën time në gjoksin e saj, të rreshkur tani, por aherë burimin më të shijshëm me qumështin e jetës, që kur duhej për të na rritur, nuk rreshti por… shkoi lumë i patrembur.

Ilir KADIA

      Ish gazetar i BBC

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra