E mërkurë, 18 nëntor 2026

Rubrikat

Mbështet Limit.al

QAN GURI – Nga Hasan Muzli SELIMI

Kam pa me sy vajin e gurit,
mbështetur pas një mali,
sytë fërkonte me bjeshkën,
qante,
emrin ma fshin,

S`kam emër,
atë e mori era,

S’u pa ai që e kaloi pas yllit,
hëna më lexonte emrin çdo dy javë,
dielli m`ka pjekur shkronjat e arta,
n`furrat më t`njohura,
tash pa emër,
pa identitet n`grumbullin e maleve.

Deshën t`më nxisin në qingjin e majit,
ai thanë të ka fshirë emrin me gjuhë,
dikur në pranverën e parë,
mbi të mendonte kripën,
(më thanë)
gjuaje me dorën e ujkut t`dimrit,

Gjetën një patkua kali,
Ja, prej këtij s`ke emër,
tani mos fajëso rrufetë,
as misrin në blojën e ujit,

Gur pa emër.
Ju lutem ma mbani mend emrin?
guri me lot në sy pyet,
ai rrokulliset,
n`lumenj të zhurmëshëm,
t`gjëjë shkronjat,
t`bëjnë emrin.

27.04.2020

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra