E mërkurë, 18 nëntor 2026

Rubrikat

Mbështet Limit.al

PUNË NASTRADINËSH! – Nga Mehmet ELEZI

Nga Mehmet ELEZI

Vazhdojnë punimet për «rehabilitimin» e lulishtes «Rinia». Kanë filluar verën që shkoi.
Në pllakatin e bashkisë së Tiranës, siç shihet edhe në foto, shkruhet se afati i «rehabilitimit» (nuk mund të përdorej një fjalë shqip?) është «8 Muaj Kalendarik nga fillimi i punimeve» (në 6 fjalë – 3 gabime drejtshkrimore!).
Po kur kanë filluar saktësisht punimet?

As datë fillimi, as datë mbarimi.

Afati «8 Muaj Kalendarik nga fillimi i punimeve» të kujton borxhin e Nastradinit.
-Nastradin, kur do të ma lash borxhin?
-Eja të hënën.
Të hënën zhdukej.
-Nastradin, erdha për borxhin, më the të hënën.
-Eja të hënën pra, sot është e martë.
Të hënën tjetër prapë s’ka Nastradin.
Dhe të martën tjetër prapë e njëjta përgjigje.

Ka pasë ndodhur edhe me “rikonstruksionin” e Pazarit të Ri. Shkruhej “afati 6 muaj”, pa datë fillimi a mbarimi. Dhe “6 muajt” qenë disafishuar.

Punë nastradinësh!

Nuk po merremi me përmbajtjen e projektit, është çështje në vete.

13 janar 2020

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra