E mërkurë, 18 nëntor 2026

Rubrikat

Mbështet Limit.al

Përsëri bashkë, ne katër kolegë…

Nga Murat Gecaj

Kishte disa kohë, që nuk ishim takuar bashkë, ne katër kolegë të “kompanisë lëvizëse, siç e kemi pagëzuar vite më parë, që kemi punuar në ish-gazetën “Mesuesi”, botim i Ministrise së Arsimit. Arsyeja kryesore ka qenë gjendja jo e mirë shëndetësore e ndonjerit nga ne ose për probleme të tilla në familje…

Por ja, që sot në mengjes, “akulli u thye”! Pra, ne katër kolegë: Bardhyl Xhama-“Mësues i merituar”, publicist e shkrimtar; Viron Kona, shkrimtar e publicist i njohur; Sejdo Harka, arsimtar, publicist e studiues dhe unë, u bashkuam në lokalin e Gazit, në Unazën e kryeqytetit, ku dikur vinte dhe i ndjeri Skënder Hasko, I paharruar për ne.

Bisedat tona ishin të ngrohta e të larmishme, shoqëruar me kafe e çaj ose me shishkat e reakisë e karramelet, me të cilat na qerasi Bardhyli. Ja, psh, ky na tregoi, me kënaqësi e gëzim të natyrshëm, për fëmijët, por dhe nipat e mbesat dhe një brez më tej. Po kështu, unë u fola se kishte ditëlindjen djali i madh, qe jeton në Itali me familjen, si dhe për nipin e stërnipin tim, nga vajza, në Gjemani. Ai i ka kaluar 10 muajt e ka nisur të levizë me shpejtësi nëpër dhoma, por dhe ta shoqërojë babin, me makinën e tij, kur ky shkon në supermarket etj. Prapa nuk mbetën as Vironi e Sejdo, të cilët u gëzohen, me të drejtë, mbesave e nipave të tyre.

Sigurisht, në bisedat tona zunë vend edhe kolegë e miq të tjerë, shkrimtarë e publicistë, që jetojnë në Tiranë ose nëpër rrethe, si: Durrës, Lezhë ose Tropojë. Dëshira jonë ishte, që edhe ata të ishin aty me ne, siç ka ndodhur në raste të tjera.

…Minutat e këtij takimi të bukur dhe kaq mbresëlënës kaluan shumë shpejt dhe ne duhej të ndaheshim, me mall e përzemërsi. Po, këtë ngjarje ne e fiksuam dhe në fotografi, me aparatin e Bardhylit e timin, sin ë lokal e në dalje të tij.

-Nga zemra na del urimi i bardhë: U takofshim përsëri e përsëri, me shënndet të mirë dhe gëzime e lumturi, nëpër familjet tona!

Tiranë, 17 tetor 2018

1. Djathtas-Murati, Bardhyli,Sejdo e Vironi….

2.Nga e majta-Sejjdo,Bardhyli,Murati e Vironi….

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra