E mërkurë, 18 nëntor 2026

Rubrikat

Mbështet Limit.al

NJË PALË GËRHANË…. – Nga Fran UKCAMA

Në pod të kulles me rrasa guri,
Strukur gërrmuç diku në skutë,
një palë gërhanë, me bishta bungu,
me dhamë rrallue si pleq të urtë..

Pa fjalë më folën për kohen e shkuar,
Sa bashka leshi kanë shkue ndër dhamë,
Unë kujto tirqit, jeleket e shkruar,
Çorapet me lula, mat kohë na i banë.

Ata tek rrijnë nën rrasa guri,
Sot ngjajnë si ardhun, prehistorik,
Por nuk kuptojnë si ligeshton burri,
Kur gishtat, e nanes e dades, i lyp.

Te bishtat e drunit janë duart e tyne,
Unë sot i shtërngoj se kam shumë mall,
Baj kuvend mbytur vrella, e kujtime,
Herë therras, dadë, herë tham ,oj nanë!

As gjyshja, as nana nuk munden të gjegjen,
Gërhanet , shenja mbi shpatulla sot i mbajnë,
Unë, kohnat i kthej, se ma bluajnë ndërgjegjen,
Mos nderi i të shkuemes, vdekje prap asht !

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra