Në foto: Pal Neçaj (djathtas) dhe Zeqir Lushaj
Midis malit Hekur te Kakia,
Agri, Ndërmaja, Korja, liqëni,
E mërkurë, 18 nëntor 2026
Në foto: Pal Neçaj (djathtas) dhe Zeqir Lushaj
Midis malit Hekur te Kakia,
Agri, Ndërmaja, Korja, liqëni,
janë trëmbëdhjet fshatra, krahina,
nikaj-mertursit të gjatë sa gdhëni.
Lekbibaj, Peraj, Gjonpepaj n’hije t’Kakisë,
Curraj, Curraj Eper, Qëreshi kënd qetësie,
fshatrat Nikaj të besës e të bujarisë,
vëllëzër gjaku me fisin e madh Krasniqe.
Brisa, Salca dhe Palçi në jugpërëndim,
Raja, Tetaj, Btosha e Shëngjergji q’u pri,
janë fshatrat e Merturit soji dhe trim
ndarë prej Berishe që në lashtësi
Nikaj – Merturi kurr’i nënshtruar,
si mbi flamur dy kokat e Shqipës
aty traditat m’të mira trashëguar,
patriotike dhe të mikpritjës.
Ato gryka, kodra, ata male
ku edhe zogu shkon përngadalë,
u thyën tupshëm ushtrit’osmane,
nga nikaj-mertursit faqebardhë.
Guri Murk, kala pa u pushtuar,
prej askujt që sulmoi Malsinë,
në hartat Stambollit i shënuar,
simboli tmerrus për ta, Krajlitë.
Qafat e Kolçit, Agrit, Ndërmaja
ato prej shekujve flasin vetë,
dëshmitar, lugina, pyje, pllaja
kocka armiqësh aty kanë mbet.
Si thotë fjala edhe kuvëndi,
thuhet kënga shkruan historia
njerëzit e mirë i rrit’dhe vëndi,
Nikaj-Merturi nga lashtësia.
Rruga udhtarësh i çan’ likpërmes,
vinë dhe shkojnë Shkodër – Gjakovë,
njerëzit në levizje: halle a për qeft,
dije e kultur’sjellin, rrëzatojnë.
Ajo zonë ka nxjerrë përore,
burra të mënçur shum’atdhetarë,
në fush’betejash korrën fitore,
gjysh e nipa dëshmorë kanë rà.
Sikur kataraktët e Valbonës,
porsi valët e bardha të lumit,
prinë trimat në krye t’kollonës,
gra dhe burra të Nikaj Merturit.
Në mbrojtje t’Plavës e të Gucisë,
në luftën e Shtimjës deri n’Moraçë,
Shkup, Shkodra tek Deda i Malsisë,
armiqtë pushtuës i lanë në gjak.
Shekuj kundër turqve te pavarsia,
malazez’apo austriakë,
shovën grekë, serbë e Italia
Nikaj-Mertursit u kallën datën.
Këndon lahuta e bie sharkia,
për krahinën e pa nënshtruar,
ushtritë osmane as nga krajlia,
kur e mësyn, u thyën të turpruar.
Trevë e lashtë je n’ato ana,
gjithë lavdi pjes’e Malësisë,
sikur një yll me dritë sa hëna,
veshur xherdanin e bukurisë.
Kullat tua jan’kthyër në kalà
luftuan trimat për atdhen e vet,
kryengritje turqve, beteja me Shkja,
“Mbroni Shqiptarinë ”! Lanë amanet.
Amanet kullat, bjeshkët e bardha,
amanet çdo pllëmbë t’Arbërisë,
amanet të vdekunit në varre,
mos t’i shkelin këmba e robrisë.
Flijimi i herojve për atdhe,
krenaria jonë djalpasdjalit,
gjithnjë na dukët s’porositin ne,
“ Mani lartë, Besën e Shqiptarit”!
Kanga, gëzime, dasma, qefé,
Sa dhe zogjët ndalin ligjirimin,
nga nikaj-mertursit pandërprerje,
këngtarë, me zërin si të bilbilit.
–Nju Jork, Nentor 2012-
(Per Limit.al dhe gazeten e Alpeve, Dhjetor 2019-
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë EuroshAktualitet
Turizmi botëror drejt rekordit: 1.57 miliardë mbërritje më 2026


