E mërkurë, 18 nëntor 2026

Rubrikat

Mbështet Limit.al

Në Kojel, përballë Shkëlzenit

Nga Riza Çelaj – publicist, mësues – Tropojë

Kojeli është një fshat në afërsi të Tropojës. Ai shtrihet në dy anët e lumit të Tropojës. Fshati përbëhet nga dy Kojela, Kojeli i Shpatit dhe si i Rrafshit. Njerëzit e këtij fshati janë puntorë të mirë. Me punë e djersë kanë ngritur gjithçka që u duhet për të jetuar.

Fshati përbehet nga disa fise: si Gashi dhe Berisha. Janë të njohura lagje të Gashit si: Hoxhaj, Memiaj, Celaj. Ndërsa nga fisi i Berishës dallojnë lagjet: Buçaj, Papaj, Pecaj, Balishë, Kojel.

Nga këto shtëpi kanë lindë e janë rritë djem e vajza, nipër e mbesa që kanë bërë emër të mirë jo vetëm në Tropojë, por edhe më gjërë. Një pjesë e mirë kanë kryer studimet e larta e punojnë në Tropojë, të tjerë në Tiranë apo kanë zgjedhur rrugën e emigracionit. Me punën e të ardhurat e tyre kanë investuar në vendlindje duke ndërtuar shtëpi të reja e komode që kënaqesh kur i shikon. Të tilla ndërtime të bukura ka në Kojel të Rrafshit e të Shpatit.Kohët e fundit janë ndërtuar e po ndërtohen në lagjen Balishë disa shtëpi të reja. Janë të shumtë banorët e kësaj ane që edhe pse vitet i kanë renduar përsëri gjejnë forca të ecin pse jo edhe të punojnë.

I tillë është malësori shtatlartë e fisnikë Tahir Avdyli. Ka një moshë 82 vjeçare dhe është për tu marrë lakmi. Terë jetën ka qënë bari. Edhe në vitet e demokracisë ruan delet. Cdo ditë në lëvizje. Cdo ditë në punë. Ai thotë se bariu nuk ka pushim asnjë ditë. E sheh në lagje duke kullotur delet, e takon në bjeshkë në gurrat me ujin e ftohtë, në rudina ku kullosin bagëtia, në Rreshkëzën, bjeshkën ku ka kaluar shumë vite të rinisë pse jo edhe të pleqerisë. Te gjithë e duan e respektojnë, djem e nipa, shpesh e qortojnë “Hiqi delet se je lodhë”. Ai pergjigjet shkurt e prerë: “Këto me zgjatin jetën”. E ashtu kokëulur e fjalepakë siç e ka zakon ecën e ecën bacë Tahiri rrethuar nga dashuria e djemve,nipave e mbesave.

Kur udhëton për në Tropojë s’ka si të mos zërë syri një shtëpi në krah të djathtë fund Fushës së Tropojës. Është shtëpia e Hamdi Memisë. Një shtëpi e punuar mirë, rrethuar me baçe ku rriten: kumbulla, molla, arra, dardha, ftoj, kajsi. Sa hyn në oborr të shfaqet para syve një burrë shtatlartë e terë humor. Është Hamdi Memia. Pak kush e beson se i ka lenë 85 vite jetë. Hamdiu ka punuar shumë në jetë, por edhe ka gëzuar shumë. Kënaqet kur shtëpia e tij mbushet me nipër e mbesa. Hamdia, djali i madh i Brahim Bekës, pas tij lindi Sadria, Sosja e Drita që e ndryshuan jetën e Brahim Bekës. Si vëlla i vetëm tani u bë me krahë. Brahimi u rrit jetim si vëlla i vetem pas 6 motrave. Ai trashëgoi tipare të larta të fisit Gashit si dhe ato të Memiajve. Ai qe punëtor i madh, por edhe kuventar i dëgjuar. Në odat e burrave e në dasma, në gëzime familjare dëgjoheshin tingujt e lahutës që aq bukur i binte dhe zëri i tij melodjoz mbushte me krenari banorët e kësaj ane. Këngët e kreshnikëve për Mujin e Halilin i kishte për zemër. Në këngët patriotike sidomos këngët e trimërisë sikur i shtonin forcat. Edhe kengët lirike sidomos lirikat e dashurisë i pëlqente shumë.

Hamdiu, si biri i Brahim Bekës mësoi shumë në shkollë, po një shkollë e madhe u bë edhe familja. U rrit e u burrërua me tregimet që dëgjoi në odat malësore. Mësues të pazëvendesueshëm u bënë nëna dhe babai. Mori pjesë në aksionet për ndertimin e vendit si: në rrugën e Shumri-Bajram Curr, në rrugën e Dritës e kudo ku kishte aksione të rinisë. Vite më vonë do të ishte një shkollë e ultë mekanike që Hamdiu do të merrte zanatin e traktoristit. Në këtë zanat do të punonte pjesën më të madhe të jetës. Me traktorat e fuqishëm të kohes punoi në hapjes e tokave të reja si në Cerrnicë, Bukovë etj. Disa vite punoi në ushtri në fortifikimin e vendit. Edhe pas daljes në pension në vitet 90 nuk u lodh e nuk u ligshtua. E sheh tek shpejton për në Tropojë, tek niset për në B.Curr, në kafe me shokët, në raste gëzimi e fatkeqesie gjithë energji Hamdi Memia.

Vitet e fundit si pasardhës i veteranëve e familje deshmori Hamdiu leviz të shumtën e ditevë të javës. Ai ka një merak që brezi i ri të edukohet e njihet me të kaluarën e lavdishme të popullit tonë. Lëvizjet nga një fshat në tjetrin kanë shtuar anëtarsinë në organizatën e veteranëve. I zgjedhur nënkryetar për zonën e Tropojës si dhe anëtar të Komitetit të Veteranve të rrethit Tropojë atë e gjen duke biseduar me Ismetin e Fatmirin në Tropojë, me Adullahin në Myhejan, me Haxhinë në Babinë, me Ukën në Begaj, me Alinë në Kerrnajë, me Ramën në Sopot, me Shpendin, Dritën, Andrinën në Shkollën e Tropojës e kudo. Rezultatet flasin vetë,çdo ditë shtohen rradhët me autorë të rinj, çdo ditë punon e punon Hamdia. Si nipi i dëshmorit Tahir Malë Memia dhe bir i Brahim Bekës i cili nuk pranoi të vishej milic në kohën e pushtimit italian, strehues i luftëtarve gjatë luftës çlirimtare, pritës e percjellës i dhjetra kosovarëve në 1999 në luftën e Kosovës Hamdi Memia lindi dhe rriti 6 fëmijë: 4 djem e 2 vajza: Besimin, Xhevahiren, Njazinë, Skenderin, Perparimin dhe Fatbardhen. Të gjithë i shkolloi e sot janë të shpërndare në Kojel, Tiranë, Angli kudo të nderuar e respektuar. Edhe pse janë të shperndarë shpesh mblidhen e i bëjnë babait ndonjë suprizë siç ishte rasti i 85-vjetorit të lindjes që festoi para pak kohe.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra