E mërkurë, 18 nëntor 2026

Rubrikat

Mbështet Limit.al

Murat Basha shkon drejt pushkatimit tue këndue Hymnin Kombëtar

Nga Murat Basha (i riu, nipi i tij)

7 Qershor 1945.

Pushkatohet Murat Basha vet i trembëdhjetë.Sot mund të njiheni me fjalën e z. Xhemal Alimehmeti, i cili ka qenë në dhomë me Murat Bashën dhe të tjerë deri në momentin që i morën për t’i ekzekutuar:”Ishim 14-15 vetë në dhomë, Murat Basha i qetë, po bisedonte me z. Xhemal Kusin kishte hallin e familjes dhe veçanërisht të djalit madh Akilit… une shifsha i çudit, si rri kaq i qetë, sepse i kishin lajmëru që në orën 10.00 do i merrshin me i pushkatu… Erdhën policët dhe ushtarët e togës pushkatimit, i nxorrën në korridor dhe i lidhën dorë për dore 2 nga 2. Murati thirri Fagun(Mustafa Vrapin)që ishte më i riu vetëm 19 vjeç dhe i tha: -”Hajde lidhemi bashkë”.. Mbasi i lidhën 2 nga 2 i lidhën dhe me nji tel me gjemba të gjithë bashkë nga fillimi në fund…Në këtë moment ndigjohet zani i Murat Bashës.”Na e bani hallall burra”…”Rroftë Shqipnia. Rroftë Mbreti”. Të gjithë u përlotëm, por disa edhe qanin me dënesë, të gjithë dolëm te dritaret e dhomave, duke pa…. Dolën në oborr, aty ndodhi diçka e tmerrshme. Nëna e Fagut (Mustafa Vrapit) ishte në oborr, kishte ardhë me taku djalin, kur e pa që po e çojshin me e pushkatu, filloi me ulërit me të madhe dhe thoshte:”Mos ma vrisni djalin….” Një ushtar ju afru dhe e goditi me kondak të pushkës, ajo ra pa ndjenja. Fagu kur pa nanën u ligshtu, atëherë Murat Basha i futi krahun dhe i thotë; ”Fag mbahu se je burrë, mos u dorëzo, ti je më i fortë se komunistat, Ne nuk ligshohemi nga plumbi dhe vdekja…

”Ndodhi e pabesueshmja Murat Basha filloi me këndue Hymnin Kombëtar, mbas dy tre sekondash edhe shokët e tij….e pasoi gjithë Burgu,ishte sa tragjike edhe madhështore, të shifshe ata burra që po shkonin drejt vdekjes duke këndu…..I çun drejt bregut lumit. Mbas pak u ndigjun krismat e armëve…. Nga ajo ditë, në burgun e Tiranës, kush shkonte me u pushkatu, këndonte Hymnin Kombëtar dhe kjo traditë mbeti prej Murat Bashës…

z.Xhemal Alimehmeti i përlotur nuk mundet me fol më.Falemnderit z. Xhemal Alimehmeti, për kujtimet që na solle, ti burrë i ndershëm dhe patriot.I lehtë të qoftë dheu dhe dritë të pastë shpirti.Këto fjalë z.Xhemal Alimehmeti i ka shkrujtë në gazeta të ndryshme,apo thënë në T.V, por edhe në Muzeun Kombëtar, në përvjetorin e Murat Bashës me rastin e rivarrimit të eshtrave të tij më 07.06.2008.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra