Nga ARTUR SHEMAJ
ME TITUJ VEPRASH DRITAN ÇELËS I THËRRAS…
Mermerit trokas fort
E mërkurë, 18 nëntor 2026
Nga ARTUR SHEMAJ
ME TITUJ VEPRASH DRITAN ÇELËS I THËRRAS…
Mermerit trokas fort
Dhe gishtërinjtë mavi më bëhen
Si GJAKU IM I ERRËT.
Dhe ti s`më dëgjon,
As atë derë ta hapësh nuk do,
TI PRINC I PËRKTHIMIT
E tash hijerëndë në fron ulur
Ndriçon një tjetër mbretëri,
Edhe pse përulur të pëshpëris,
Si nuk ia vure veshin GOJËS SË BOTËS,
Mos ikje në atë terr se ishe i ri…
Po ti ike dhe na le
NJË VERË PA LAMTUMIRË
Andaj derën s`e hap, edhe
Pse vij nga ana anës
Shpëtuar prej APOKALPSIT SIPAS SHËN TIRANËS.
Dhe unë për ty kohën luta dhe lus
Banor i gjallë në ARKIPELAGUN SPIRITUS…
Atëhere me që portën s`e hap
Bëjmë një marrëveshje
Kujt zemra ende i rreh me alarm
Me SOS NJË BUZËQESHJE…
Dhe hape derën djalë
Në do i pikëlluar të mos ik,
Tek të vdekshmit e gjallë
Ku shndrit në fytyrat e tyre DJALLI KOMIK…
Se kam ardhë në Hadin e përjetësisë
Një autograf shpirti të jap
Përmes poezisë…
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë EuroshAktualitet
Turizmi botëror drejt rekordit: 1.57 miliardë mbërritje më 2026


