Nga Hasan Selimi
MALLKOJ ZANËN
N`mrizet e nalta udhëtoja natën
E mërkurë, 18 nëntor 2026
Nga Hasan Selimi
MALLKOJ ZANËN
N`mrizet e nalta udhëtoja natën
S`dëgjoja gjumin e zogjve, as hapin tim
zogjtë ndërronin degë, pishë se pishë kërkonin
Kërkoja diçka, s`mbaj mend ditën, larg
Flakë n`sytë e mi si në vetëtimat e motit
Tundi fustanin e bardhë dritë prej qiellit.
Ngurrova ta prek, qeshi nga dhëmbët flakë
Prita bubullimat pas vetëtimës, s`ranë,
n`gjunjë pushova sa me marr pak frymë…
Avulli i flakës krehu flokët e mia, njoha zanën
Piskata, oj zanë ty të shitoftë bukuria
Në mua pse ke ndalë, m`digj
Të provoj dashuri zane.
Bukuria më ka ba të dekun n`mrize t`natës
Dritës tënde po i ban hije
prej gjuhës tënde po merr flakë pylli
digjen mrizet.
Zogjtë s`kanë ku këndojnë
qyqja tash thërret mjerim
Qesh zana me mallkimet e mia
ulet në gjunjë, pikëllohet, n`lot shkrinë gurin
flokun tim kreh me dorën e flakës
rrinë mbi kryetin tim, unë i dekun prej dritës saj.
Mëngjesi erdhi dritë paralele
n`fytyrën time dek prej dritës e flakës pa bubullimë
Zgjohem n`mallkim pa derë, pa dritare, n`çatinë qiell
në pyllin e pishave buzë malit që pjell zana
Në majën e bredhit var fustani i bardhë,
pisha kurorëzohet dritë nate.
Diellin thirra për mëngjes,
të pimë qumshtin e ëndrrës
T`bahem të ndritshëm në dritë e terr
Hanën ta mbajmë në xhep
Dhuratë për ditën e dasmes n`gjoks nusje
Një ditë të jemi të tre në dasmën e yjeve…
SHKODER, 31/10/2018
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë EuroshAktualitet
Turizmi botëror drejt rekordit: 1.57 miliardë mbërritje më 2026


