E mërkurë, 18 nëntor 2026

Rubrikat

Mbështet Limit.al

Macja e ikonës së modës, Karl Lagerfeld trashëgimtare e pasurisë së tij

Choupette, macja 7-vjeçare dhe muza e stilistit gjerman, Karl Lagerfeld, mund të bëhet trashëgimtare e pasurisë së ikonës së modës. I pyetur se kujt do t’ia linte pasurinë e tij, kohë më parë, vet Lagerfeld kishte thënë: “Mes të tjerësh, edhe maces sime”.

Në të vërtetë, macja e stilistit është një nga kafshët më të dashura dhe adhuruara në botë, me një stil jetese përrallor, me disa shërbyese përreth dhe me një famë jo të vogël që e ndjek. Në Instagram, Choupette ka më shumë se 170 mijë ndjekës dhe në Twitter 50 mijë të tjerë.

Në vitin 2016, në një intervistë për “Euronews”, Lagerfeld kishte shprehur adhurimin e tij për macen, duke thënë se “ajo është e jashtëzakonshme dhe e famshme”.

“Asnjëherë më parë në jetën time nuk e kisha menduar se mund të bija në dashuri me një mace”, kishte thënë Lagerfeld. “Ajo është e mahnitshme, me sytë e saj të mëdha që shkëlqejnë si safirë. E pellushi i saj është perfekt, sepse ajo ka disa shërbyese, ndaj nuk është asnjëherë vetëm”.

Macja në fakt ka qenë frymëzimi i Lagerfeld për koleksionin e vitit 2015, “Choupette në dashuri”. Vitin e shkuar, gazetarët i kishin kujtuar Lagerfeldit se, në Francë ku ai jetonte nuk lejohet ligjërisht t’i lihet pasuria një maceje.

“Fatmirësisht unë nuk jam francez”, ishte përgjigjur ai. E në fakt, në Gjermani nga ku Lagerfeld vjen, kjo është e mundur.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra