E mërkurë, 18 nëntor 2026

Rubrikat

Mbështet Limit.al

Lamtumirë mësuesi dhe kolegu ynë, Musa Çekaj!

Nga Adem Lushaj – Deçan

Lajmi për shkuarje në botën e amshueshme, të punëtorit shumëvjeçar të arsimit, të mësimdhënësit të Matematikës, të veprimtarit të palodhshëm për lirinë dhe pavarësinë e Kosovës, Musa Çekaj, nuk ishte i hidhur vetëm për familjen Çekaj. Ky lajm, ka prekur thellë zemrat e gjithë atyre që e kishin njohur, e sidomos të nxënësve dhe kolegëve të tij, të cilët do e kujtojnë gjatë për mënyrën e të mësuarit dhe edukuarit, të shumë gjeneratave. Biografia e Musa Çekaj, të cilin e quanin “baca Musë”, është e begatë, si në aspektin njerëzor, ashtu edhe në atë intelektual. Arsimtari Musë, për 40 vite ishte në shërbim të arsimit shqip. Për 4 dekada të plota, kishte vënë bazat e shëndosha në mësimdhënie dhe mësimnxënie.
Kishim fatin e mirë, pos asaj që ishim nxënës i tij, për 20 vite të rrugëtojmë së bashku në edukimin dhe arsimimin e brezave. Për këto vite të punës, raportet tona, nuk ishin veç kolegiale. Por, raportet tona ishin më shumë se kaq, e sidomos gjatë viteve të 90-ta, kur vendi ynë kalonte nëpër periudha të vështira të rrugëtimit për Lirinë dhe Pavarësinë e Kosovës. Nga arsimtari ynë, pos që morëm njohuritë bazë të profesionit, morëm edhe këshilla për jetë dhe punë sa më të suksesshme, për mësimdhënie, sa më efektive. Fati e deshi, që ato njohuri dhe këshilla, ti bart te fëmijët e tij!
Familja ka humbur një bashkëshort, një baba, një vëlla! Ndërsa ne, humbëm një mësues, një koleg, një veprimtar, një luftëtar lirie. Ndjehemi krenar për punën e palodhshme të mësuesit dhe kolegut tonë. Veprat dhe sjelljet e tij, do mbesin gjithmonë në mendjet dhe zemrat e atyre që e kishin njohur.

Mësuesi dhe kolegu ynë, prehu i qetë dhe lavdi jetës dhe veprës tuaj! Qoftë i përjetshëm kujtimi për ty!

(Në foto: Musa Çekaj dhe Adem Lushaj)

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra