E mërkurë, 18 nëntor 2026

Rubrikat

Mbështet Limit.al

Kryetari i Pejës kundërshton ndërtimin e hidrocentraleve në rrjedhën e Lumbardhit

Një takim i thirrur të martën nga Ministria e Tregtisë dhe Industrisë, për ndërtimin e hidrocentraleve për prodhimin e energjisë, ka bërë që kryetari i Pejës t’ia dërgojë një letër ministrit Endrit Shala.

Nëpërmjet kësaj letre, të cilën e ka siguruar Telegrafi, Gazmend Muhaxheri kundërshton që hidrocentralet të ndërtohen në rrjedhën e Lumbardhit.

“Më lejoni që të ju njoftoj, se ky projekt është nga viti 2012-të, dhe ka marrë gjithë këtë kohë sepse, dokumentacioni i cili është miratuar në Komunën e Pejës, pra Plani i Zhvillimit Komunal, kategorikisht e ndalon ndërtimin e hidrocentraleve ose projekteve për prodhimin e energjisë në rrjedhën kryesore të Lumbardhit. Dhe duhet të kemi parasysh, se projektet të cilat janë zhvilluar në anën tonë, e sidomos në Grykën e Deçanit nga po i njëjti investitor, dëmet ambientale kanë qenë kolosale, kështu që ne kemi marrë veprimet tona dhe kemi stopuar çdo komunikim me investitorin”, thuhet në letrën e Muhaxherit.

Në letër, kryetar i Pejës ka akuzuar MTI-në se ka njoftuar vonë në lidhje me këtë takim.

Muhaxheri tutje ka shkruar se komuna e Pejës, e ka shtyllë kryesore të zhvillimit ekonomik, Grykën e Rugovës.

Ndryshe nga takimi i ministrit Shala, u tha se investitori “KelKos Energy Peja”, pritet të investojë 97 milionë euro në këtë komunë. /Peja Ndryshe/

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra