E mërkurë, 18 nëntor 2026

Rubrikat

Mbështet Limit.al

Kina nis misionin gjashtë-mujor në hapësirë

Kina ka nisur një raketë në stacionin e saj të ri hapësinor, raporton agjencia shtetërore të lajmeve Xinhua. Pjesë e ekuipazhit janë tre austronautë.

Fluturakja hapësinore u nis nga qendra e nisjes Jiuquan në shkretëtirën Gobi të Kinës veriperëndimore.

Ekipi planifikon të kalojë gjashtë muaj në stacionin hapësinor Tiangong. Ata e kanë për detyrë të vendosin pajisje dhe të testojnë teknologjinë për ndërtimin e ardhshëm në Tiangong. Misioni i kaluar pati qëndruar tre muaj në hapësirë.

Komandanti i misionit, 55-vjeçari Zhai Zhigang, është një ish-pilot luftarak i cili ishte pjesë e misionit të parë hapësinor të Kinës në vitin 2008.

Ai tha se ekipi do të kryejë operacione “më komplekse” në hapësirë sesa misionet e mëparshme.

Ekipi i astronautëve përfshin piloten ushtarake, Wang Yaping, 41-vjeçare, e cila do të bëhet gruaja e parë që viziton stacionin hapësinor kinez. Në vitin 2013, ajo u bë gruaja e dytë kineze që udhëtoi në hapësirë.

Anëtari tjetër i ekipit është Ye Guangfu, një pilot 41-vjeçar nga Ushtria Çlirimtare e Popullit.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra