E mërkurë, 18 nëntor 2026

Rubrikat

Mbështet Limit.al

“Këpucët e djallit”, Nike padit kompaninë për modifikimin e atleteve me gjak njeriu në shollë

Korporata amerikane “Nike” ka paditur për shkelje të markës tregtare, kompaninë  me bazë në Bruklin “MSCHF”, e cila ka nxjerrë në shitje një palë atlete të quajtura “Këpucët e djallit” dhe që përmbajnë në shollë një pikë gjaku të vërtetë njerëzor, të dhuruar nga anëtarët e kolektivit të artit.

Ato janë modifikim i atleteve “Nike Air Max 97” dhe shfaqin një kryq të përmbysur.

“MSCHF” nxori ​​në treg 666 palë atlete në bashkëpunim me reperin Lil Nas X dhe ato u shitën në më pak se një minutë.

“MSCHF dhe këpucët e paautorizuara të djallit ka të ngjarë të shkaktojnë konfuzion dhe të krijojnë një lidhje të gabuar midis produkteve të MSCHF dhe Nike”, thotë gjiganti i këpucëve sportive në procesin gjyqësor.

Atletet e zeza dhe të kuqe u “prezantuan” nga MSCHF të hënën, që përkon me publikimin e këngës së fundit të Lil Nas X Montero (Call Me ëith Your Name), e cila debutoi në YouTube të Premten e kaluar.

Në video, reperi shihet duke rrëshqitur nga parajsa në ferr.

 Imazhet dhe këpucët i referohen vargut biblik Luka 10:18 – “Dhe ai u tha atyre: Unë e kam parë Satanin si rrufe nga qielli”.

Ekipi i “Nike” u tërhoq pasi u zbulua modifikimi i bërë nga kompania.

Gjigandi i atleteve nuk miraton ose autorizon Këpucët e Personalizuara të djallit dhe për këtë arsye çështja mes palëve do të zgjidhet në Gjykatën e Qarkut të Nju Jorkut.

“Këpucët e djallit” kanë shkaktuar reagime të shumta. Disa Konservatorë, përfshirë Guvernatorin e Dakotës së Jugut Kristi Noem dhe disa ndjekës fetarë, u fyen nga modeli i diskutueshëm i këpucëve dhe kritikuan Lil Nas X dhe MSCHF në Twitter.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Aktualitet

    Prishtina shtrenjton parkimin, deri në 20 Euro për një ditë në qendër
  3. Aktualitet

    Shqipëria dhe Kosova forcojnë bashkëpunimin për shpëtimin në male
  4. Aktualitet

    Bota përballet me mungesë financimi prej 30 trilionë Eurosh
  5. Aktualitet

    Turizmi botëror drejt rekordit: 1.57 miliardë mbërritje më 2026

Më shumë nga Zëra